Në mbyllje të konferencës që mbajti sot me gazetarët kryeministri Rama shpërtheu ndaj Presidentit Ilir Meta, i cili ka deklaruar se dhuna e ushtruar në protestat kundër vrasjes së Klodian Rashës nga policia është një turp i madh i tij.
Rama iu bëri thirrje të gjithë qytetarëve që të ruajnë fëmijët nga Ilir Meta.
“Dhuna është një turp, nuk ka lidhje fare me zgjimin, ngjalljen, ringjalljen, është një turp i madh dhe është turp i madh i Saliut dhe Ilir Metës. Meta s’mendon asgjë tjetër, veçse si të bëjë përshesh kudo ku sheh një shesh, edhe buxheti i duket si shesh, për të bërë një përshesh. Në këtë pikë ka degraduar Ilir Meta, për fatin e keq të të gjithë ne.
Është jashtë kontrollit, nuk ka asnjë kontroll më mbi veten, sheh vetëm shesh për të bërë përshesh. Çdo gjë, buxheti i shtetit, një ligj për kafshët, një akt ligjor për fishkëllimat, çfarë të jetë. Kështu që nuk kam asnjë surprizë nga Ilir Meta. Meta e Saliu janë bashkë, të pandarë dhe kanë vetëm një objektiv: si t’ia dalin asaj që s’kanë për t’ia dalë dot kurrë, që të pengojnë popullin të zgjedhë atë që do.
Jam i keqardhur që Lulzim Basha hesht, njësoj siç heshtin semaforët e fikur lidhur me këtë që ndodh. Ai e di shumë mirë se kush e bën, nuk e bën ai, por nuk ka asnjë forcë karakteri që të dalë dhe të thotë ‘stop’. Dua ta mbyll me një thirrje për të gjithë prindërit që të ruajnë fëmijët nga Ilir Meta dhe Saliu, është një thirrje shumë serioze. Ruani fëmijët nga Ilir Meta dhe nga Saliu”, u shpr
