Shqipëria është renditur e katërta për prodhimin e energjisë së gjelbër në Evropë. Kjo është vërejtur nga statistikat e EUROSTAT për vitin 2020.
Fakti që qeveritë, sipas ekspertëve të ndryshëm, duhet të reduktojmë emetimet e dioksidit të karbonit me shpejtësi marramendëse për të parandaluar një katastrofë klimatike të shekullit të XXI-të është më se e qartë deri tani.
Raportet alarmante kërkimore dhe parashikimet “ogurzezë” për të ardhmen e afërt, një e ardhme e qëndrueshme duket ende shumë larg. Megjithatë, ka shumë vrull në Evropë.
Ekspertët kanë ngritur pyetjen a “a mjafton?”, përgjigja është e prerë, “me shumë mundësi jo”.
Por është e qartë nga statistikat e EUROSTAT-it se shumë Qeveri kanë investuar shumë në mënyra më të qëndrueshme për të menaxhuar nevojat e tyre për konsumin e energjisë.
Megjithatë, dallimet në nivel kontinental janë të konsiderueshme.
Islanda e vogël dhe Norvegjia e pasur me naftë ishin liderët kontinental në vitin 2020. Ndërsa Luksemburgu dhe Malta kishin përqindjen më të ulët të konsumit të tyre të energjisë që vinte nga burimet e rinovueshme atë vit.
Nga lëndët djegëse fosile te burimet e gjelbra
Pavarësisht nëse bëhet fjalë për një planet më të pastër, frenimin e efektit serë ose reduktimin e varësisë nga gazi rus, reduktimi i karburanteve fosile është një prioritet kryesor në të gjithë Evropën.
Ndërsa ka gjithmonë hapësirë për të bërë më shumë, kjo nuk do të thotë se asgjë nuk po bëhet, kanë vërejtur ekspertët.
Në çdo vend, përqindja e konsumit të energjisë së prodhuar nga biomasa, hidrocentralet, era ose rrezet e diellit është rritur.
Kjo ishte e dukshme nga grafiku i EUROSTAT-it, që përdor përqindjet në rritje për të ilustruar garën midis vendeve për ‘gjelbërimin’ e konsumit të energjisë midis viteve 2004 dhe 2020, përcjell Albanian Post.
Holanda, e cila për vite ishte në fund të kësaj liste, u vërejt se ka filluar një proces modest rimbushjeje. Megjithatë, diferenca me grupin kryesor është ende mjaft e madhe.
Ngrohje, ndriçim dhe transport
Shqipëria, Norvegjia, Islanda dhe Suedia kanë kryesuar listën që prej vitit 2004 edhe pse vende me popullsi të rrallë me dallime relativisht të mëdha në lartësi.
Kjo nuk është për t’u habitur, thonë ekspertët, pasi në këto vende hidrocentralet janë një mjet praktik për të gjeneruar energji dhe kanë qenë prej kohësh burimi më efikas i energjisë elektrike të rinovueshme.
Megjithatë, kjo nuk do të thotë se vendet ‘e ulëta’ janë të paaftë për të përmbushur objektivat e tyre të qëndrueshmërisë në një kohë të gjatë.
Një shembull i mirë është Danimarka, ku turbinat me erë prodhojnë aktualisht më shumë se gjysmën e energjisë elektrike të tyre. Deri në vitin 2030, kjo duhet të arrijë në 100 për qind të energjisë elektrike dhe 55 për qind të konsumit total – duke përfshirë ngrohjen.
EUROSTAT mat konsumin total të energjisë së një vendi duke përdorur tre nën-figura të ndryshme: energjinë elektrike, ngrohjen/ftohjen dhe karburantin për automjetet.
Kampionët e gjelbër
Kush është më i gjelbëri në Evropë?
Në renditjen e ‘kombinuar’, Islanda është e para, Norvegjia e dyta dhe Suedia e treta. Në pjesën e klimës së brendshme, banorët e ishullit marrin gjithashtu arin, pasuar nga Suedia dhe një bronz për Malin e Zi, i cili ka nevojë për më shumë ajër të kondicionuar sesa ngrohje qendrore për shkak të klimës.
Energjia elektrike është më e gjelbra në Norvegji, – përsëri – Islanda dhe Shqipëria, ku mbi njëqind për qind e energjisë elektrike vjen nga një burim jofosile.
Vendet me të ardhura më të larta kanë një epërsi të konsiderueshme kur bëhet fjalë për automjetet elektrike.
Përsëri, ka epërsi skandinave me Suedinë në krye, e ndjekur nga Norvegjia.
Projektet për prodhimin e energjisë së gjelbër në Shqipëri
Qeveria shqiptare ka shprehur përkushtimin e saj për ta vendosur vendin në një rrugë konsistente drejt synimin të energjisë së rinovueshme dhe nxitjen e veprimeve ambicioze për ndryshimin e klimës, duke maksimizuar përfitimet dhe minimizuar kostot për konsumatorët dhe taksapaguesit.
Pikërisht për këtë qëllim, më 22 qershor të 2021-shit Ministria e Infrastrukturës dhe Energjisë nisi dhe procesin e tenderimit me dy faza për përzgjedhjen e prodhimit të energjisë nëpërmjet erës.
Sakaq vlen të theksohet se Shqipëria ka parë progres në procedurën e licencimit për instalimin e gjashtë termocentraleve të mëdhenj dhe dhjetë të vegjël diellorë.
Premtimi i kryeministrit të Shqipërisë Edi Rama, që në krye të herës ka qenë se, “deri në vitin 2030, vendi do të bëhet kampione rajonale në prodhimin e energjisë së rinovueshme dhe njëkohësisht eksportuese të një energjie të gjelbër të rinovueshme”.
“Ky është një tjetër hap i rëndësishëm në rrugën drejt horizontit të ‘Shqipërisë 2030’”, do të deklaronte kryeministri gjatë ceremonisë së hapjes së ankandit për ngritjen e parqeve eolike.(Albaniapost)
