Përfaqësuesi i opozitës së rrugës Oerd Bylykbashi, ka komentuar sërish sot mbarëvajtjen e Reformës Zgjedhore. Sipas tij maxhoranca ka dhënë përgjigje negative për të gjitha propozimet e tyre, ndërkohë që shtoi se opozita është e gatshme për t’u angazhuar me intensitet të lartë për përfundimin e Reformës Zgjedhore.
“Maxhoranca ka dhënë përgjigje negative për të gjitha propozimet tona. Propozimet tona janë për të gjitha rekomandime prioritare dhe nuk pranojmë që të heqim dorë nga këto propozime.
Kemi ende tre javë deri në përfundim të reformës, kemi akoma kohë për të thënë që reforma ngeci apo jo. Angazhimi ynë si opozitë është i qartë se ne do të marrim pjesë me intensitet të lartë politik dhe teknik. Refomra zgjedhore nuk bëhet as me bajonte dhe as me revolucion, por duke diskutuar për të gjetur zgjidhjen më të mirë. Ne nuk të punojmë të gjejmë kompromis më të mirë sipas OSBE-ODIHR.
Opozita ka marrë një vendim politik të qartë në lidhje me qeverinë tranzitore për garancinë e zhvillimit të zgjedhjeve të ardhshme. Qeveria ka një detyrë shumë të madhe të mos fusë duart në zgjedhje. Problemi që kemi ne është se qeveria ka futur duart në zgjedhje. Si? Duke përdorur policinë, presionin ndaj administratës, ata që nuk janë me qeverinë të qendrojnë në shtëpi. Këto janë veprime që kanë shkelur standartin. Një qeveri neutrale garanton që procesin zgjedhor funksionon rregullisht dhe vota e qytetarëve shkon aty ku ato duan të zgjedhin.
Çështja e qeverisë tranziotore, ky është një vendim i opozitës dhe ne nuk lëvizim nga kjo është e vetmja mënyrë që ne të garantojmë zgjedhje normale. Ky nuk është pazar, qeveria tranzitore ka të bëjë më garantimin e një standardi të OSBE-së, ku qeveria është e ndarë nga partitë politike. Duhet të garantohet fusha e lojës së barabartë. Nëse përmbyset tryeza nuk ka më lojë! Ajo që kërkojmë ne shkëputjen e qeverisë dhe neutralitetin gjë që Rama nuk e bën dot.”- tha Bylykbashi.
Por asgjëkundi nga rekomandimet e OSBE-ODIHR nuk flitet për qeveri tranzitore 3 muaj parazgjedhjeve dhe kjo nuk është gjë tjetër vetëm se një alibi që reforma të bllokohet se natyrish Edi Rama sikurse deklaroj dje kurrë nuk do lejoj që të realizohet në tavolinë ëndrra e opozitës së rrugës për të bllokuar reformën me variantin e 1 viti protesta diskretituese pa asnjë rezultat…Rama ik!
