Shefi i Urgjencës Kombëtare Skënder Brataj vijon përplasjet në distancë me mjekun Ilir Allkja, në lidhje me atë që Brataj e quan “fushatë të shpifjeve dhe mashtrimeve” ndaj kolegëve dhe Urgjencës.nBrataj ka publikuar në profiln e tij një pjesë të bisedës në What’s App me mjekun Allkja, i cili i tregon se fotot brenda Urgjencës nuk i bënte ai por një mjek tjetër që mbante me vete stilolaps me kamera.
“Dy fytyrësia e një pseudoprofesionisti! Dr. Iliri vazhdon fushatën e shpifjeve dhe mashtrimeve. Po vendos korenspondencën time ëhatsapp me dr. Ilirin. Siç e kam thënë edhe herë tjetër, faqja “Urgjenca e Tiranës 127” që çuditërisht u mbyll në të njëjtën kohë me profilin e doktor Ilirit para 1-2 muajsh, që nga fundi i vitit 2015 ka vazhduar denigrimin e shërbimit të Urgjencës Mjeksore dhe pothuajse çdo ditë me ofendime dhe mashtrime në drejtimin tim personal”, shkruan Brataj.
Më tej, shefi i Urgjencës shkruan se mjeku Allkja i dërgonte atij mesazhe dhe i thoshte se “spiuni” ishte një mjek tjetër, Frroku, ndërsa sipas Brataj në fakt Frroku dhe Allkja ishin dhe bënin foto brenda mjediseve të Urgjencës dhe i publikonin në rrjetet sociale.
“Ai më tregoi historinë e kësaj faqe dhe personat që e administronin atë! Personi për të cilin bëhej fjalë në korinspondencën e doktorit dhe meje është me emër, por ajo çka më bëri përshtypje ishte fakti që të dy këta persona punonin në ekip me njëri- tjetrin prej dy-tre vjetësh së bashku”, shkruan më tej Skënder Brataj dhe publikon dhe fotot e bisedës në What’s App me mjekun Ilir Allkja, ku ky i fundit “spiunon” kolegun e tij, Frrokun.
Postimi i plotë i shefit të Urgjencës Skënder Brataj dhe fotot e bisedës në What’s App:
Dy fytyrësia e një pseudoprofesionisti!
Dr. Iliri vazhdon fushatën e shpifjeve dhe mashtrimeve. Po vendos korenspondencën time ëhatsapp me dr. Ilirin. Siç e kam thënë edhe herë tjetër, faqja “Urgjenca e Tiranës 127” që çuditërisht u mbyll në të njëjtën kohë me profilin e doktor Ilirit para 1-2 muajsh, që nga fundi i vitit 2015 ka vazhduar denigrimin e shërbimit të Urgjencës Mjeksore dhe pothuajse çdo ditë me ofendime dhe mashtrime në drejtimin tim personal. Personeli i ish- urgjencës së Tiranës që nga data 3 prill e vitit 2017 punoi për disa muaj te Njësia e Koordinimit te QKUM.
Drejtuesit e kesaj faqe vendosnin fotografi dhe video të të gjitha postacioneve të punës në qytetin e Tiranës (ju kujtohen ndoshta të gjitha filmimet e bëra edhe në emisionet investigative kombëtare) dhe të ambjenteve të brendshme të institucionit ose paisjeve të njësisë së koordinimit, duke shtrembëruar realitetin e vërtetë të shërbimit të urgjencës. Ata e bënin për të treguar sa ishte shpenzuar për QKUM, që kjo qendër nuk është e nevojshme e të tjera!
Nuk arrija ta kuptoja gjithë atë përgjigje negative dhe mospranim të ndryshimit të disa prej personelit mjeksor. Më bëri përshtypje dhe duke parë telekamerat e institucionit pamë që doktor Iliri bënte fotografi në orar të punës! E thirra në zyrë duke i kërkuar shpjegime, se përse foto të bëra nga ai te njësia e koordinimit rezultonin te kjo faqe! Duke e vënë para faktit me prova siç po veproj tani. Ai më tregoi historinë e kësaj faqe dhe personat që e administronin atë! Personi për të cilin bëhej fjalë në korinspondencën e doktorit dhe meje është me emër, por ajo çka më bëri përshtypje ishte fakti që të dy këta persona punonin në ekip me njëri- tjetrin prej dy-tre vjetësh së bashku!
Ishin dhe janë shumë miq me njëri- tjetrin deri tani, nuk e di pas korrispondencës time sa do të vazhdojnë të jenë më, është problem i tyre. Komunikimi mes meje dhe tij demonstron se sa i respekton kolegët doktor Iliri, sa i ndershëm është me ata, sa profesionist është, sa i pa anshëm, sa objektiv është kur flet, sidomos si kërkon të afrohet me drejtuesit i këtij institucioni në kurriz të kolegëve të tij!! Ky antikomunist i tmerrshëm që spiunon kolegët për përfitime personale duke përdorur metodat komuniste, çfarë është???
Dr. Iliri ju kam thënë që flas vetëm me fakte! Ke edhe të tjera!
Gjykimin le ta bëjnë qytetarët!
