Nga Anri Bala
Kushdo që mendon se ata do të lodhen duke humbur, i ka bërë llogaritë gabim… Me sa duket, nuk i paskemi njohur mirë! Ata jo vetëm që nuk do të lodhen duke humbur, por janë gati të thyejnë rekorde të padëgjuara ndonjëherë.
Mirëpo, bashkë me fatin e tyre të zi, të sterrosur prej bëmave dhe gjëmave, duan të na tërheqin edhe ne pas vetes, për të na çuar në zgrip… me humbësat e përjetshëm, e për të zhbërë atë që kemi bërë deri më sot.
Luftrat që nisin pa asnjë “dëshmorë” në karriget e të akuzuarve, kur prej 8 vitesh zhvillohen beteja legjendare për “narkotrafikant” që kanë vjedhur votat… tenderat apo çdo qindarkë nga paratë e taksapaguesve… favorizuar grupe kriminale… vrarë apo plagosur… nuk janë asgjë më shumë, se disa premtime të tjera prej një tufe maskarenjsh që tallen me shqiptarët, njësoj si ato që premtojnë të qëndrojmë e të shohim, se si do na e kthejnë këtë vend në të “bekuar” edhe pse prej dekadash është i tillë… sepse bekimi ynë përfundon gjithmonë aty ku nis majmja e babëzisë suaj!
Por në fakt, ju jeni të gjithë njësoj… “rrogëtarë” të binzesmenëve, që i kthyet brenda natës në milionerë nga brekëgrisur, e që nga një dorë u falni tenderat e me tjetrën u kërkoni haraçin, për nderin e bërë. E nëse nuk i’u a japin që në fillim, i’u a kërkoni me forcë e të lehura rrugëve, duke organizuar protesta, duke i’u vënë gjoba në parlament me emra të përveçëm e të përgjithshëm, herë me pseudonime, a thua se janë personazhe anekdodash, që duhet të na bëjnë të qeshim… e jo sikur janë autorët e skamjes dhe mjerimit.
E nëse ke b*thë Lul, për të ngritur kauza, që nuk bëhen për të lëpirë ndonjë kockë nga tepsia e pushtetit, hajde ta rrëzojmë sëbashku “oligarkinë”! Jam i gatshëm që tani, të të ndihmoj…! Por ama, t’i shkojmë deri në fund, e jo t’i lëmë kauzat rrugëve, për të të zhytur ty në luks… kurse veten në llucë.
Por t’i nuk e ke dashur kurrë një gjë të tillë, edhe këtë e them me bindje… sepse “k*rvat” nuk i kthejmë dot në virgjëresha! Ti ke frikë nga e kaluara Lul, e nëse i japim edhe një herë në dorë një shkrepëse një “piromani” si ti, rrezikojmë të djegim dhe shtëpinë tonë …Shqipërinë. /Ekskluzive.al
