Kryeministri Edi Rama në një dalje live nga ‘Facebook’-u i tij deklaroi se thirrjes së ministres së Shëndetësisë Ogerta Manastiruliu, për t’ju bashkangjitur ekipit të personelit mjekësor për të luftuar COVID-19, i janë përgjigjur shumë mjekë dhe infermierë.
Kreu i qeverisë theksoi se 497 mjekë dhe 617 infermierë iu përgjigjën thirrjes patriotike, po ashtu dhe shumë infiermierë. Ai e cilësoi një veprim që të rrëqeth shpirtin, faktin që shumë mjekë dhe infermierë iu bashkuan ekipit.
“Mirëdita miq! Si po ja kaloni me sikletin e mos daljes nga shtëpia?! Unë po heq keq, por s’kam ku shkoj. Punoj on-line me ministrat. Flas me Ogertën. Marr të dhënat dhe porositë e ekspertëve. Lexoj çfarë shkruajnë mediat dhe ndjek se cfarë thonë dhe bëjnë kolegët nëpër botë. Luaj me Zahon që një e dy më thotë; laj duart, e hap dritaret! Futem dhe në Fb të shikoj komentet. Më kap sikleti kur kujtoj sa e sa historira mbylljesh dhe vetmie që kanë kaluar njerezit në këto lloj situatash. I them vetes: Boll s’ke për të lëvizur. Pikë! Puna vazhdon. Nësër administrata është pushim, do ishte pushim meqë Dita e Verës ra të shtunën.
Kështu që vetëburgosja vazhdon. Vazhdon dhe për ata që nuk kanë detyra esenciale. Të tjërët do të jenë në punë normalisht, siç do të jenë në punë dhe kompanitë që garantojnë hallkat jetike të zinxhirit ekonomik të vendit. Lajmi bukur fare sot se thirrjve të Ogertës dhe dekanit të Fakultetit të Mjkësisë i kanë përgjigjur 497 mjekë dhe 617 infermierë. Një gadishmëri e madhe njerëzore dhe profesionale që në këtë kohë të rrënqeth mishin me patriozimin e tyre.
Ato gra dhe burra janë gati të sakrifikojnë për të shpëtuar plagë. Mirënjohe, mirënjohje të gjithëve. E përsëris për të gjithë mjeket dhe infermierëët që janë në atë vijë zjarri, paga e marsit do të jepet në bonus prej 1 mijë euro, deri në përfundimin e kësaj lufte. Ky bonus do t’i jepet dhe vullnetarëve që do të vijnë në front. Eshtë me e pakta që mund të bëjmë për bluzat e bardha, të cilat njësoj si pas tërmetit, por këtë herë pa krahësim, se i përbaltim me lloj lloj sharjesh.”, tha Rama.
