Tre vjet nga hyrja në fuqi e ligjit të Vetingut, 55 gjyqtarë, prokurorë dhe ndihmës ligjorë kanë dhënë dorëheqjen nga sistemi i drejtësisë.
Motivet e pretenduara të dorëheqjeve të njerëzve të drejtësisë janë të ndryshme, që nga ofertat për t’u bërë deputetë, për të punuar në universitete, në kisha, në spitale, për t’u bërë avokatë, deri tek lodhja nga karriera e gjatë, sëmundjet, emigrimi etj., por arsyeja e vërtetë dyshohet se mund të jetë një dhe e përbashkët; frika e përballjes me procesin e Vetingut.
Gjashtë anëtarë të Gjykatës së Lartë, Arjana Fullani, Aleksandër Muskaj, Mirela Fana, Andi Çeliku, Evelina Qirjako dhe Guxim Zenelaj u vetëlarguan nga drejtësia, edhe pse sipas ligjit mund të qëndronin në detyrë deri kur të zëvendësoheshin, siç bëri Ardian Dvorani.
Fullani dhe Qirjako u bënë më pas avokate. Në të njëjtën mënyrë dhanë dorëheqjen edhe tre anëtarë të Gjykatës Kushtetuese, Bensik Imeraj, Vladimir Kristo dhe Sokol Berberi.
Dorëheqjen dhanë edhe ish-kryeprokurori Adriatik Llalla dhe ish-kreu i Prokurorisë së Tiranës, Petrit Fusha, i pari i marrë i pandehur nga SPAK, i dyti i kallëzuar penalisht nga Komisioni i Vetingut. Në njoftimin e dorëheqjes, Petrit Fusha shprehej se “….çmoj se përvojën që kam mund ta përdor në dobi të një aktiviteti tjetër me më pak ngarkesë”.
Në korrik të vitit 2020, dhanë dorëheqjen edhe dy gjyqtarët e Apelit në Tiranë, Gjin Gjoni dhe Alaudin Malaj. Gjin Gjoni tha se e kishte propozuar Partia Demokratike për deputet, ndërsa Alaudin Malaj, i ndaluar disa ditë më parë nga polica pas një sherri me të birin, është bërë avokat.
E bujshme është edhe dorëheqja edhe Erlindi Basha, vëllai i kryetarit të Partisë Demokratike Lulzim Basha, duke evituar përballjen me Vetingun. Erlindi Basha dha dorëheqjen si ndihmës ligjor në Gjykatën e Lartë në 24 tetor 2016 pa asnjë shpjegim.
Gjyqtarja e Durrësit Ema Gashi dha dorëheqjen për të mbrojtur të motrën Rovena Gashit gjatë procesit të Vetingut në KPA. Megjithatë, KPA nuk e pranoi si avokate të Rovenës, ish-drejtuesja e Njësisë për Dekriminalizimin në Prokurorinë e Përgjithshme, e shkarkuar nga të dy shkallët e Vetingut. Kryeprokurorja e Durrësit, Joana Qeleshi, dha gjithashtu dorëheqjen për të punuar në një spital privat.
Gjyqtarja e Tiranës Regleta Panajoti, më 24 qershor 2020, paraqiti dorëheqjen nga në KLGJ. Në kërkesën e dorëheqjes gjyqtarja shkruante se “…çmoj se eksperienca dhe kontributi im duhet të vazhdojë nga katedra akademike…”. Prokurori i Apelit të Tiranës, Nezir Gjoka, dha dorëheqjen në fillim të muajit qershor 2020, duke pretenduar se ishte sëmurë.
Për arsye shëndetësore kanë dhënë dorëheqjen edhe prokurori në Prokurorinë për Krimet e Rënda Tiranë, Njazi Seferi, gjyqtari i Apelit në Gjirokastër Tomor Skreli, gjyqtari i Tiranës
Metush Saraçi, gjyqtarët e Durrësit Genci Sinjari dhe Merita Xhani, gjyqtarja e Sarandës Ketra Bajrami etj. Edhe Gjyqtari i Apelit, Agim Bendo, i cili ka marrë pjesë në gjykimin e dosjes së 21 Janarit, dha dorëheqjen nga drejtësia, me pretendimin se ishte sëmurë.
55 njerëzit e drejtësisë që dhanë dorëheqjen
1. Arjana Fullani, Gjykata e Lartë
2. Aleksandër Muskaj, Gjykata e Lartë
3. Mirela Fana, Gjykata e Lartë
4. Andi Çeliku, Gjykata e Lartë
5. Evelina Qirjako, Gjykata e Lartë
6. Guxim Zenelaj Gjykata e Lartë
7. Bensik Imeraj, Gjykat Kushtetuese
8. Vladimir Kristo, Gjykata Kushtetuese
9. Sokol Berberi, Gjykata Kushtetuese
10. Adriatik Llalla, kryeprokuror
11. Petrit Fusha, ish-kryeprokuror i Tiranës.
12. Gjin Gjoni, Gjykata e Apelit
13. Alaudin Malaj, Gjykata e Apelit
14. Agim Bendo, gjyqtar i Apelit
15. Astrit Haxhialushi, gjyqtar i Apelit
16. Sulejman Tola, prokuror në Prokurorinë e Rrethit Krujë.
17. Ilir Çeliku, gjyqtar Gjykata e Apelit Vlorë.
18. Ilir Pashaj, gjyqtar Gjykata e Shkallës së Parë Elbasan
19. Metush Saraçi, ish-kreu i gjykatës së Apelit në Tiranë
20. Rezarta Mataj, Gjykata e e Tiranës
21. Zihni Shahu, kryetari i Gjykatës së Elbasanit
22. Regleta Panajoti, Gjykata e Tiranës
23. Nezir Gjoka, Prokuror Tiranë
24. Agim Dilka, prokurori në Elbasan
25. Joana Qeleshi, kryeprokurore Durrësit
26. Fran Prendi, Gjykata Speciale
27. Ndue Gjura, inspektor pranë ish-KLD, gjyqtar në Durrës
28. Adrian Nezha, prokuror Tiranë
29. Ermir Beta, prokuror në Berat
30. Bujar Hoxha, prokuror Tiranë
31. Bilbil Mete, Prokuroria e Përgjithshme
32. Erion Pustina, prokuror i Pogradecit
33. Marina Rraboshta, Gjykata e Apelit Shkodër
34. Ketra Bajrami, Gjykata e Sarandës
35. Liljana Sulollari (Baku), Gjykata e Krimeve të Rënda
36. Stavri Kallço, Gjykata e Apelit Korçë
37. Tomor Skreli, Gjykata e Apelit Gjirokastër
38. Ajrana Liço, Gjykata e Tiranës
39. Petraq Dhimitri, Gjykata e Apelit Durrës
40. Rabiana Halili, Prokuroria Durrës
41. Genci Sinjari, Gjykata e Durrësit
42. Amarildo Laçi, Gjykata Administrative
43. Marjana Shtjefni, prokurore e Shkodrës
44. Njazi Seferi, Prokuror Tiranë
45. Arben Zefi, Gjykata e Shkodrës
46. Ema Gashi, Gjykata e Durrësi
47. Liradin Lira, Gjykata e Pogradecit
48. Merita Xhani, Gjykata Durrës
49. Eneida Civici (Abazaj), Gjykata e Tiranës
50. Brunilda Kasmi, Gjykata e Tiranës
51. Erlindi Basha, ndihmës ligjor në Gjykatën e Lartë
52. Eritan Shehu, ndihmëse ligjore pranë Gjykatës së Lartë
53. Elona Kana, këshilltare ligjore në Gjykatën e Lartë
54. Adnand Berdica, ndihmës ligjor pranë Gjykatës së Lartë
55. Etleva Sherifi, ndihmëse ligjore pranë Gjykatës së Lartë./Adriatik Doci/Shqiptarja.com
