Lëvizja Socialiste për Integrim duket se është partia më e shqetësuar në vend kohët e fundit. Dje kryetarja Monika Kryemadhi u bëri thirrje qytetarëve në vend të ngrihen në revolucion kundër qeverisë, pasi Rama po i zhyt në varfëri.
Ajo tha nga Shkodra se “nuk i dalin paratë për të ushqyer fëmijët dhe jo më për t’i shkolluar që të garantojnë jetën e tyre në të ardhmen”.
Por si qëndron e vërteta? Nëse shohim deklarimet ndër vite të pasurisë të zonjës Kryemadhi, e sidomos ato të vitit 2017, rezulton se kryetarja e LSI dhe presidenti Meta shpenzojnë 140 mijë paund ose 160 mijë euro për të shkolluar fëmijët në Londër. Por teksa Kryemadhi përlotet nëpër takime, në fakt të tre fëmijët e saj po i arsimon jashtë vendit. Ndërkohë, Kryemadhi dje, por edhe ditët e mëparshme, u ka bërë thirrje studentëve që të marrin në dorë fatet e vendit. Por teksa nga njëra anë fëmijët i arsimon në Londër, nga ana tjetër flet për cilësinë e arsimit dhe nivelin e varfërisë në vend.
