Shumë kompani farmaceutike po vazhdojnë hulumtimet për zbulimin e një vaksine efektive kundër COVID-19, ku dy prej tyre tashmë kanë treguar rezultate efektive.
Kompania amerikane Moderna njoftoi se vaksina e tyre kundër koronavirusit ka një efiktivitet deri në 95 për qind.
Efektiviteti i vaksinës së Modernas është pak më i lartë se efektiviteti prej 90 për qind i vaksinës, Pfizer dhe BioNTech.
Vlerësimi i efikasitetit prej 95 për qind i Modernas bazohet në rezultatet paraprake nga një provë klinike e kryer në 30 mijë pacientë, gjysma e të cilëve morën një vaksinë dhe gjysma placebo.
Megjithëse vaksinat Moderna dhe Pfizer funksionojnë në të njëjtën mënyrë – injektimi i një pjese të kodit gjenetik të virusit për të shkaktuar një përgjigje nga sistemi imunitar i trupit – vaksina e Modernas ka disa përfitime më të mëdha.
Sipas rezultateve paraprake, vaksina e Modernas ka një efikasitet prej 95 për qind kundrejt Pfizer-it me 90 për qind.
Ndërsa ndryshimi prej 5% nuk duket se ka një diferencë të madhe kur merr parasysh numrin e njerëzve që duhet të vaksinohen në nivel global, ndryshimi i efektivitetit prej 5 për qind përbën goxha diferencë.
Vaksina e Pfizerit duhet të ruhet në një temperaturë prej -75 gradë celsius, i cili është një problem i madh logjistik duke qenë se do të jetë e nevojshme të ruhen dhe shpërndahen miliona doza të vaksinave tek njerëzit në të gjithë botën.
BBC shkruan se asnjë vaksinë tjetër në SHBA nuk ka nevojë të ruhet në të njëjtën temperaturë kaq të ulët, kur dihet se farmacitë dhe mjekët nuk kanë frigoriferë në temperatura kaq të ulëta.
Vaksina Moderna nuk e ka këtë problem, pasi kjo vaksinë mund të ruhet në një temperaturë prej – 20 gradë celsius. Kjo do të thotë se vaksina e Modernas mund të ruhet në frigoriferë që zakonisht gjenden lehtësisht.
Për më tepër, vaksina e Modernas mund të ruhet për plot 30 ditë në frigorifer ndërsa vaksina e Pfizerit vetëm pesë ditë, që është një tjetër avantazh i rëndësishëm.
Të dy vaksinat, Pfizer dhe Moderna përdorin teknologjinë e njohur si ARN-s – kjo do të thotë që një pjesë e kodit gjenetik të koronavirusit injektohet në trup.
Ajo fillon të zhvillojë proteina virale, e cila është e mjaftueshme për të trajnuar sistemin imunitar që të sulmojë. Vaksina duhet ta trajnojë trupin për të krijuar të dy antitrupat – dhe një pjesë tjetër të sistemit imunitar të quajtur qelizat T për të luftuar koronavirusin.
Të tjerët janë në zhvillim, ndërsa një provë klinike është duke u zhvilluar nga kompania belge Janssen në Mbretërinë e Bashkuar.
Moderna ka deklaruar se një dozë e saj do të kushtojë 21 euro, në krahasim me vaksinën Pfizer, e cila raportohet se do të kushtojë rreth 15 euro.
Ndërkohë pritet që të arrihen marrëveshje për të ulur çmimin për blerjet me shumicë, pasi Moderna është një kompani tregtare, e cila ka shprehur qartë interesin e saj për fituar sa më shumë.
Dr Zoltan Kis, bashkëpunëtor në Future Vaccine Manufacturing Hub, Imperial College London, tha se sasia më e madhe e vaksinës Moderna mRNA për dozë (100 mikrogramë) krahasuar me Pfizer (30 mikrogramë) tregon se kjo e fundit mund të prodhohet në numër më të lartë dhe me kosto më të ulët.
Ai shtoi se çështjet e transportit të vaksinës Pfizer mund t’i japin një epërsi fillestare, por vuri në dukje temperaturën më të lartë në të cilën duhet të ruhet, e cila i jep epërsi vaksinës së Modernas.
“Pasi të aprovohet nga autoritetet rregullatore, vaksina COVID-19 e Modernas mund të shpërndahet shumë më lehtë dhe me kosto më të ulët krahasuar me vaksinën BioNTech / Pfizer”, tha ai. Një vaksinë do të tregonte në mënyrë të sigurt nëse organzimi ynë do të jenë në gjendje të luftojë infeksionin.
