Ilir Meta doli dje në një deklaratë për mediat, në të cilën publikoi fakte të reja për atë që ai e quan “grusht shteti”. Një ditë më parë, Meta i bëri dje thirrje popullit që më 2 mars të dalë në bulevardin “Dëshmorët e Kombit” kundër asaj që e quan ‘grusht i shtetit’. Meta tha se më 2 mars do të firmosë dekretin e parë përballë popullit në Bulevard për të shpartalluar grushtin e shtetit.
Kreu i shtetit u shpreh se grushti i shtetit po bëhet nga qeveria dhe kryeministri Edi Rama, pasi po shkelet Kushtetuta me ndryshimin e ligjit për betimin e gjyqtarëve. Ai nënvizoi se në relacionin që shoqëron projektligjin, KED, Magjistratura dhe Komiteti i Helsinkit nuk kanë dhënë fare mendim ose kanë qenë kundër për këtë çështje a thua se parlamenti e ka detyrim ligjor të marr mendim për ligjet q¨w nxjerrë aq më tepë nga një OJQ si KSHH-ja.
Presidenti Ilir Meta i kërkoi këshilltarit të tij ligjor, Bledar Dervishajt që të betohej para të gjithë shqiptarëve se po thoshte të vërtetën pas publikimit të fakteve të reja, në lidhje me atë që Presidenti e quan ‘puç’. Dervishaj nga ana tjetër tha se nuk kishte nevojë që të betohej pasi procesverbalet i ka publikuar vetë Ardian Dvorani.
Pjesë nga biseda
Ilir Meta: Mund të nxirrja edhe kolegë të tjerë por Dervishajt ka qenë në çdo mbledhje të KED. Betohu që po thua të vërtetën përpara të gjithë shqiptarëve?
Bledar Dervishaj: Edhe po të mos betohem unë, i ka nxjerrë Dvorani të gjithë procesverbalet
Ilir Meta: A ka ndonjë nga anëtarët e KED që të thotë të kundërtën?
Bledar Dervishaj: Jo nuk ka.
Ilir Meta: Tamam nga Vlora…
