Për shmangien e një mbyllje të dytë të vendit qeveria ashpërsoi masat anti-covid duke vendosur mbajtjen e maskës me detyrim edhe në rrugë, në të kundër personat që nuk e mbanin do të gjobiteshin, gjobë që do t’u faturohet te fatura e dritave.
Për monitorimin e mbajtjes së maskave dhe zbatimit të masave anti-covid në terren por edhe në ambientet brenda, është ngritur një rrjet inspektorësh që u quajt “Task Forca” pro shëndetit.
Kjo taks forcë nuk do të jetë gjobëvënës, pasi gjobat vendosen nga policia, por do të jetë këshilluese dhe monitoruese që të lajmëroi edhe policinë se diku nuk po respektohen masat anti-covid.
Gjatë fjalës së tij Rama tha se kjo po bëhet për të shmangur një mbyllje të dytë që jo vetëm vendi ynë, por edhe vendet më të zhvilluara të botës nuk do e përballonin dot.
Pjesë nga fjalimi i Ramës:
“Kjo pandemi e cila po tmerron gjithë botën në aspektin ekonomik, ku Franca tha hapur që nuk e përballon dot një mbyllje tjetër, që tek kancelarja që tha se jeta do të rikthehet por ky është momenti për të bërë më shumë durim se asnjëherë.
E pra prandaj ne kemi vendosur të krijojmë këtë rrjet inspektorësh që funksionojnë në ditë normale për sigurinë e jetës që nga puna tek mjedisi, tek ushqimi dhe natyrisht tek barnat dhe shëndeti dhe në rrugë sipas hartës të vënë në dispozicion dhe të përditësuar çdo javë janë edhe burimet më të mëdha të rrezikut.
Për të qenë në rrugë jo për të vënë gjoba, ato i bënë policia por për të sensibilizuar dhe komunikuar dhe natyrisht dhe për të lajmëruar policinë për të bërë detyrën.
Ne jemi përpjekur të jemi nxënës të mirë dhe të dëgjueshëm të zërave më të mëdha të botës dhe jemi me fat që kemi pasur në dispozicion një skuadër ekspertësh që janë të nivelit të lartë ndërkombëtarë.
Nuk duam të mbyllim shkollat dhe tu themi studentëve do rrini edhe këtë vit në shtëpi, nuk duam të mbyllim punët dhe pastaj të thoni me çfarë do ushqehemi, nuk duam të mbyllim kopshtet dhe çerdhet, po si të bashkojmë këto të dyja të domosdoshmërisë për të mos u mbyllur dhe domosdoshmërinë për të mos u mbytur nga infeksioni e cila mund të ndodh në pak javë nëse nuk ruhemi.
Ka nga ata që duan ta v.rasin COVID me çifte, nga nga ata që duan aheng, por kjo nuk bëhet. Nuk po i kërkohet kujt të japi jetën për atdheun, por vetëm të mos dalë nga shtëpia dhe të verë maskën.
Çdo pyll ka derrat e vetë dhe injorantët e vetë dhe çdo shtet ka rregullat e veta. Maska krahasohet me të drejtë në një editorial me taksën, ti e paguan atë jo se e ke pasion, por je i detyruar ta paguash.
Kushdo që i cilëson masat shtrënguese si shkelje të drejtave të njeriut e kanë gabim, jemi në luftë për të mbrojtur jetën”, tha Rama.
