Disa ditë pasi publikoi video skandalin e ish-kreut të LSI-së, i ndjeri Dritan Prifti në një prej deklaratave të tij do të thoshte, se ëndrra e Ilir Metës është rikthimi në Partinë Socialiste si kryetar i saj.
Sot, presidenti i dërgoi një letër drejtuar socialistëve pak para mbajtjes së Asamblesë Kombëtare, për të larguar Ramën dhe Rilindjen, i cili sipas tij po dëmton Partinë Socialiste.
Ja çfarë thoshte i ndjeri Dritan Prifti:
“Skenar i Metës që të rikthehet në drejtim të saj, të marrë PS dhe të drejtojë opozitën shqiptare. Kam informacion tepër të saktë dhe në takimet që ka pasur me Nanon kjo ka qenë pjesa kryesore, sesi ata do të kthehen njëri president dhe tjetri kryetar opozite.
Fiksimi i Metës, dhe ndaj ai nga mëngjesi në dark i shërben Bashës, është që Rama të humbë bashkinë e Tiranës që ai ta sulmojë për ta hequr nga kreu. Do i blejë votat nga asambleja në KPD.
Në 2001 më ka kërkuar 500 mijë marka gjermane për të blerë votat. Ai është njeriu që shqiptarët vetëm nëpërmjet kësaj video e njohin se kush është në të vërtetë.
Asnjë efekt tjetër nga drejtësia, më mjafton që shqiptarëve i kam treguar se kush është ai burrë. Ai këtë skenar e bisedon edhe me njerëzit brenda grupit parlamentar të PS” , deklaronte Prifti.
Në intervistën e ditës së djeshme, Presidenti Ilir Meta duket se harroi për rolin që i është ngarkuar dhe disa herë gjatë intervistës i bëri thirrje socialistëve ti bashkohen atij për të larguar Rilindjen dhe Ramën dhe ndoshta për të tentuar të jetë vetë kreu i PS, ashtu siç i ndjeri Dritan Prifti deklaronte vite më parë.
