Lista e komisionit Ruli-Luli për qarkun e Tiranës nuk çudit aspak. Ka disa emra surprizë, por jo të panjohur.
Së pari, shpërndarja për votimin është berë me kujdes që askush të mos humbë, dhe janë çuar në zona të sigurta dhe më pak kandidatë ata që duhet të mos skualifikohen.
Së dyti, lista përmban 140 emra nga 36 që ka qarku i Tiranës, Basha ashtu si në qarqet e tjera tani ka hapur tenderin kush do kalojë.
Së treti, po të shohësh me kujdes renditjen janë përfshirë të gjithë deputetët e ngelur të listës të vitit 2017 që nuk ishin votuar nga Flamur Noka tek Agron Shehaj apo Albana Vokshi, që u hoqën nga qarqet ku ishin zgjedhur deputetë nga frika se i skualifikonin.
Së katërti, lista është një buqetë jo vetëm me aktorë e humorist ku nuk mungon Robert Budina i Teatrit apo Julian Deda i Klanifornia.
Së pesti, lista ka ish drejtues të lartë të policisë që nga ish-drejtori i përgjithshëm Ahmet Prençi tek Erzen Brecani një nga drejtuesit e policisë në Tiranë.
Së gjashti, në listë nuk mungojnë dhe ish drejtues tatimesh dhe doganash, hajdutë më çizme të qeverisë së djeshme që po shkelqejnë pranë Bashës pasi paguajnë kuota dhjetra milionëshe për kreun e Republikës së re.
Së fundi në liste do gjeni edhe ndonjë futbollist dhe pronarin e ndonjë fushe golfi në Paris të ikur në vitin 90, ku shkon Luli bën sikur luan ndonjëherë, pasi do të duket si Trump.
Lista do kalojë pa ndonjë surprizë të madhe për ti mbajtur në ankth kandidatët deri diten që kunati do ja dorëzojë renditjen përfundimtare Lulit që t’i shpallë komisioni Ruli.
