Nëpër korridore, flitet shpesh se Bashkia e Tiranës është e mbushur me shumë problematika kur i kërkon të hap letrat. Edhe kjo ndodh se punonjësit e kësaj bashkie mbajnë rekord në rang kombëtar për shejtanbudalliqe.
Me fjalë të tjera, drejtuesit e saj janë edhe shejtan por edhe shumë budallenj dhe jo pak herë janë bërë pjesë e skandaleve si të tipit vilat e luksit e kryetarit, vila në qerret e kryetarit dhe nënkryetarit, parkingu 2 mln euro i drejtorit, “Pay & Go” e gruas, kompanitë fantazma të vëllait dhe vendi i punës i profesionist puthadorit.
Disa mbeten të famshme e disa më pak, për shkak se mediat në Shqipëri, refuzojnë të publikojnë atë çfarë ndodh realisht brenda mureve të kësaj bashkie, por pranojnë të marrin haraçin dhe të transmetojnë disa kronika bajate të regjistruara e grimosura nga grupi i xhirimit pranë bashkisë.
Së fundmi në listën e xhevahirëve të ngjarjeve tragjikomike të kësaj bashkie, i shtohet dhe një tjetër histori, e cila për nga humori do vdiste nga zilia dhe Nastradinin. Pasi u bë publik tenderi i Bashkisë së Tiranës me objekt “Blerje ujë i pijshëm për punonjësit e Bashkisë Tiranë për vitin 2018”, ku bashkia do harxhojë 14 milionë lekë (të vjetra) për ujë të pijshëm për punonjësit, u mësua se kontraktori i këtij tenderi është operatori ekonomik “Gourmet & Co”.
Sipas një hulumtim në Qendrën Kombëtare të Biznesit, administratori i këtij subjekti tregtar rezulton të jetë Theofan Kazanxhiu, i cili është bashkëortak me shtetasin Elvin Tivari. Për dijeni të publikut, Tivari është Drejtor i Departamentit të Shitjeve në UKT (Ujësjellës Kanalizime Tiranë), institucion në varësinë e Bashkisë së Tiranës.
Praktikisht, i bie që tenderi për blerjen e ujit për punonjësit e Bashkisë, për periudhën shtator-dhjetor, me vlerë 14 milionë lekë, që bën vetë Bashkia Tiranë, e fiton një prej drejtorëve të Bashkisë Tiranë.
Një pikëpyetje kemi ne për bashkinë: Si ka mundësi që Bashkia Tiranë, shpërdoron 14 milion lekë nga taksapaguesit shqiptar për të blerë ujë të pishëm për punonjësit e saj, ndërkohë që uji i rubinetave, po sipas Bashkisë Tiranë dhe UKT… është i pijshëm?!
Tani nëse uji i pishëm, pra ai i rubinetit, nuk na qenka i pijshëm, Bashkia e Tiranës ka detyrimin ligjor t’ua thotë qytetarëve të saj, sepse po e paguajnë sa frengu pulën ujim e papijshëm. Vlen të përmendet, se shqiptarët po e paguajnë mjaft shtrenjtë faturën e “ujit të pijshëm”, aq sa shpesh ankohen se vjen njësoj me vlerën e faturës së energjisë elektrike.
Ndërkohë që rritja eksponenciale e çmimit të ujit erdhi për shkak të projektit Tirana 24 orë/ujë, sot, pas më shumë se 5 vitesh në krye të Bashkisë së Tiranës, Kryetari Erion Veliaj vazhdon ende të premtoj ujë 24 orë në çdo shtëpi të qytetit, një zotim të shumë viteve më parë.
Më e pakta që mund të bëj Veliaj, është të na sjellë ujë të pijshëm, atë për të cilijn paguajmë çdo muaj, që nga dita e parë, kur ai ka shkelur në atë bashki.Ekskluzive.al
