Pas presionit të ndërkombëtarëve, pro edhe të Kuvendit, Këshilli i Lartë Gjyqësor duket se po fut në shina Gjykatën e Lartë. Kjo gjykatë u shpartallua nga vetingu, duke bërë që të konfirmohen vetëm 2 gjyqtarë (Medi Bici dhe Ardian Dvorani), ndërsa pjesa tjetër u shkarkuan. KLGJ ka emëruar tashmë 3 anëtarë nga jashtë drejtësisë dhe kjo gjykatë ka momentalisht vetëm 3 anëtarë, nga 19 që duhet të ketë në total.
Por nëse vihet re, kohët e fundit janë shtuar dhe reagime brenda e jashtë vendit duke rritur presionet që të bëhet sa më shpejt funksionale Gjykata e Lartë, e cila ka me mijëra çështje në pritje. KLGJ ka bërë 7 shpallje për vende vakte në këtë gjykatë nga brenda sistemi të drejtësisë për fushën e të drejtës penale, atë administrative dhe atë civile. Dje KLGJ ka mbyllur procesin e kandidimit pasi kanë skaduar afatet e vëna dhe gazeta ka siguruar listën e plotë të emrave që kanë shfaqur interes.
Për pozicionin në fushën e të drejtës administrative të shpallur në datën 26.02.2020 kanë shfaqur interes: Arbena Ahmeti – gjyqtare e Gjykatës Administrative të Shkallës së Parë Tiranë; Artur Kalaja – gjyqtar i Gjykatës së Apelit Tiranë; Asim Vokshi – gjyqtar i Gjykatës së Apelit Tiranë; Dhimitër Lara – gjyqtar i Gjykatës së Posaçme të Apelit për Korrupsionin dhe Krimin e Organizuar; Elona Toro – gjyqtare e Gjykatës së Apelit Tiranë; Klodiana Veizi – gjyqtare e Gjykatës Administrative të Shkallës së Parë Durrës; një emër tjetër është Saida Dollani – gjyqtare e Gjykatës së Posaçme të Apelit për Korrupsionin dhe Krimin e Organizuar.
Por KLGJ në dokumentin e saj është shprehur se e ka skualifikuar nga gara dhe çështja tani është në proces gjyqësor. Ajo që bie në sy është se në total janë rreth 17 emra që kandidojnë për të shtata shpalljet. Pjesa dërrmuese kanë hedhur kandidaturën në të gjitha shpalljet.
Kandidimet
Nëse i marrim me radhë, zonja Arbena Ahmeti ka shfaqur interes në të dyja shpalljet për pozicionin në fushën e së drejtës administrative. E njëjta gjë ka ndodhur dhe me 6 emrat e tjerë. Ajo që bie në sy është se një pjesë e këtyre emrave kanë shfaqur interes dhe te pozicioni i të drejtës civile. Ndërkohë emrat e rinj në këtë pozicion janë: Albana Boksi – gjyqtare e Gjykatës së Posaçme të Apelit për Korrupsionin dhe Krimin e Organizuar; Alma Hicka – gjyqtare e Gjykatës së Rrethit Gjyqësor Tiranë; Etleva Temo – gjyqtare e Gjykatës së Apelit Korçë; Klodiana Gjyzari – gjyqtare e Gjykatës së Apelit Vlorë dhe Marjana Shegani – gjyqtare e Gjykatës së Rrethit Gjyqësor Tiranë.
Por i njëjti trend vijon edhe te emrat që kanë shfaqur interes për 4 shpalljet e të drejtës penale. Nga emrat e mësipërm që ka shfaqur interes bie në sy emri i zonjës Albana Boksi. Po ashtu janë Klodian Kurushi, Dhimitër Lara apo Saida Dollani. Ndërsa emra të rinj janë: Iliriana Olldashi – gjyqtare e Gjykatës së Posaçme të Shkallës së Parë për Korrupsionin dhe Krimin e Organizuar; Nertina Kosova – gjyqtare e Gjykatës së Posaçme të Apelit për Korrupsionin dhe Krimin e Organizuar; Sokol Binaj – gjyqtar i Gjykatës së Posaçme të Apelit për Korrupsionin dhe Krimin e Organizuar; Sandër Simoni – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar.
Pra duket se kemi një situatë të ngjashme me atë të Gjykatës Kushtetuese dhe për shkak të saj sot kjo gjykatë është në kolaps. Të njëjtët individë kandidojnë për të gjitha vendet vakante duke krijuar komplikacione për përzgjedhjen e emrave finalë. KLGJ ka bërë me dije se disa nga kandidatët si më sipër, të cilët kanë kandiduar në më shumë se tre pozicione të lira në proces, për ngritjen në detyrë në Gjykatën e Lartë ose dhe në gjykatat e Apelit, do të njoftohen individualisht për të përcaktuar tre pozicionet për të cilët do të vijojnë kandidimin.
Ja kandidatët për në Gjykatën e Lartë
I. Për pozicionin në fushën e të drejtës administrative të shpallur me vendimin nr.84, datë 26.02.2020
1) Arbena Ahmeti – gjyqtare e Gjykatës Administrative të Shkallës së Parë Tiranë;
2) Z. Artur Kalaja – gjyqtar i Gjykatës së Apelit Tiranë;
3) Z. Asim Vokshi – gjyqtar i Gjykatës së Apelit Tiranë;
4) Z. Dhimitër Lara – gjyqtar i Gjykatës së Posaçme të Apelit për Korrupsionin
dhe Krimin e Organizuar;
5) Znj. Elona Toro – gjyqtare e Gjykatës së Apelit Tiranë;
6) Znj. Klodiana Veizi – gjyqtare e Gjykatës Administrative të Shkallës së Parë Durrës;
7) Znj. Saida Dollani – gjyqtare e Gjykatës së Posaçme të Apelit për Korrupsionin dhe Krimin e Organizuar; (Skualifikuar, çështja në gjykatë)
II. Për pozicionin në fushën e të drejtës administrative të shpallur me Vendimin nr.245, datë 09.07.2020
1) Znj. Arbena Ahmeti – gjyqtare e Gjykatës Administrative të Shkallës së Parë
Tiranë;
2) Z. Artur Kalaja – gjyqtar i Gjykatës së Apelit Tiranë;
3) Z. Asim Vokshi – gjyqtar i Gjykatës së Apelit Tiranë;
4) Z. Dhimitër Lara – gjyqtar i Gjykatës së Posaçme të Apelit për Korrupsionin dhe Krimin e Organizuar;
5) Znj. Elona Toro – gjyqtare e Gjykatës së Apelit Tiranë;
6) Z. Gentian Medja – gjyqtar i Gjykatës Administrative të Shkallës së Parë Tiranë;
III. Për pozicionin në fushën e të drejtës civile të shpallur me Vendimin nr.87, datë 26.02.2020
1) Znj. Albana Boksi – gjyqtare e Gjykatës së Posaçme të Apelit për Korrupsionin dhe Krimin e Organizuar;
2) Z. Artur Kalaja – gjyqtar i Gjykatës së Apelit Tiranë;
3) Znj. Alma Hicka – gjyqtare e Gjykatës Rrethit Gjyqësor Tiranë;
4) Z. Asim Vokshi – gjyqtar i Gjykatës së Apelit Tiranë;
5) Z Dhimitër Lara – gjyqtar i Gjykatës së Posaçme të Apelit për Korrupsionin dhe Krimin e Organizuar;
6) Znj. Elona Toro – gjyqtare e Gjykatës së Apelit Tiranë;
7) Znj. Etleva Temo – gjyqtare e Gjykatës së Apelit Korçë;
8) Znj. Klodiana Gjyzari – gjyqtare e Gjykatës së Apelit Vlorë;
9) Z. Klodian Kurushi – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar;
10) Znj. Marjana Shegani – gjyqtare e Gjykatës së Rrethit Gjyqësor Tiranë;
11) Znj. Saida Dollani – gjyqtare e Gjykatës së Posaçme të Apelit për Korrupsionin dhe Krimin e Organizuar.
IV. Për pozicionin në fushën e të drejtës penale të shpallur me vendimin nr.241, datë 09.07.2020
1) Znj. Albana Boksi – gjyqtare e Gjykatës së Posaçme të Apelit për Korrupsionin dhe Krimin e Organizuar;
2) Z Dhimitër Lara – gjyqtar i Gjykatës së Posaçme të Apelit për Korrupsionin dhe Krimin e Organizuar;
3) Znj. Iliriana Olldashi – gjyqtare e Gjykatës së Posaçme të Shkallës së Parë për Korrupsionin dhe Krimin e Organizuar;
4) Z. Klodian Kurushi – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar;
5) Znj. Nertina Kosova – gjyqtare e Gjykatës së Posaçme të Apelit për Korrupsionin dhe Krimin e Organizuar;
6) Z. Sokol Binaj – gjyqtar i Gjykatës së Posaçme të Apelit për Korrupsionin dhe Krimin e Organizuar;
7) Znj. Saida Dollani – gjyqtare e Gjykatës së Posaçme të Apelit për Korrupsionin dhe Krimin e Organizuar;
8) Z. Sandër Simoni – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar.
V. Për pozicionin në fushën e të drejtës penale të shpallur me Vendimin nr.242, datë 09.07.2020, lista e kandidatëve është:
1) Znj. Albana Boksi – gjyqtare e Gjykatës së Posaçme të Apelit për Korrupsionin dhe Krimin e Organizuar;
2) Z Dhimitër Lara – gjyqtar i Gjykatës së Posaçme të Apelit për Korrupsionin dhe Krimin e Organizuar;
3) Znj. Iliriana Olldashi – gjyqtare e Gjykatës së Posaçme të Shkallës së Parë për Korrupsionin dhe Krimin e Organizuar;
4) Z. Klodian Kurushi – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar;
5) Znj. Nertina Kosova – gjyqtare e Gjykatës së Posaçme të Apelit për Korrupsionin dhe Krimin e Organizuar;
6) Z. Sokol Binaj – gjyqtar i Gjykatës së Posaçme të Apelit për Korrupsionin dhe Krimin e Organizuar;
7) Znj. Saida Dollani – gjyqtare e Gjykatës së Posaçme të Apelit për Korrupsionin dhe Krimin e Organizuar;
8) Z. Sandër Simoni – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar.
VI. Për pozicionin në fushën e të drejtës penale të shpallur me Vendimin nr.243, datë 09.07.2020:
1) Znj. Albana Boksi – gjyqtare e Gjykatës së Posaçme të Apelit për Korrupsionin dhe Krimin e Organizuar;
2) Z Dhimitër Lara – gjyqtar i Gjykatës së Posaçme të Apelit për Korrupsionin dhe Krimin e Organizuar;
3) Znj. Etleva Temo – gjyqtare e Gjykatës së Apelit Korçë;
4) Znj. Iliriana Olldashi – gjyqtare e Gjykatës së Posaçme të Shkallës së Parë për
Korrupsionin dhe Krimin e Organizuar;
5) Znj. Klodiana Gjyzari – gjyqtare e Gjykatës së Apelit Vlorë;
6) Z. Klodian Kurushi – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar;
7) Znj. Nertina Kosova – gjyqtare e Gjykatës së Posaçme të Apelit për Korrupsionin dhe Krimin e Organizuar;
8) Z. Sokol Binaj – gjyqtar i Gjykatës së Posaçme të Apelit për Korrupsionin dhe Krimin e Organizuar;
9) Znj. Saida Dollani – gjyqtare e Gjykatës së Posaçme të Apelit për Korrupsionin dhe Krimin e Organizuar;
10) Z. Sandër Simoni – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar.
VII. Për pozicionin në fushën e të drejtës penale me Vendimin nr.244, datë 09.07.2020
1) Znj. Albana Boksi – gjyqtare e Gjykatës së Posaçme të Apelit për Korrupsionin dhe Krimin e Organizuar;
2) Z Dhimitër Lara – gjyqtar i Gjykatës së Posaçme të Apelit për Korrupsionin dhe Krimin e Organizuar;
3) Z. Klodian Kurushi – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar;
4) Znj. Nertina Kosova – gjyqtare e Gjykatës së Posaçme të Apelit për Korrupsionin dhe Krimin e Organizuar;
5) Znj. Saida Dollani – gjyqtare e Gjykatës së Posaçme të Apelit për Korrupsionin dhe Krimin e Organizuar;
6) Z. Sandër Simoni – gjyqtar i Gjykatës së Posaçme të Shkallës së Parë për Korrupsionin dhe Krimin e Organizuar.
