Ministrja e Arsimit Besa Shahini ka komentuar protestat e maturantëve për tezat e provimeve, ku shprehet te tubimeve i janë bashkuar studentë anëtarë të partive opozitare.
Deklarata e Besa Shahini
Ju drejtohem sot sepse besoj se jeni shqetësuar nga një debat i çuditshëm. Një stërpolitizim i skajshëm, i cili shpërqëndroi nxënësit nga puna për provimet e radhës por edhe keqinformoi një debat që mund të ishte i dobishëm kombëtar për mënyrën si po zhvillohet sistemi i arsimit universitar. QSHA kanë adresuar të gjitha shqetësimet për mënyrën sesi është zhvilluar matura dhe si do të zhvillohen javën tjetër. Kjo është një çështje teknike që e organizojnë ekspertët e fushës dhe më pak ne që jemi persona politikë. Provimet Kombëtare nuk penalizojnë nxënësit.
Kjo është e rëndësishme të përmendet. Është i dizajnuar që të masë njohuritë e nxënësve. Testi Piza që është standarti i vlerësimeve e bën këtë. Të gjitha vendet e tjera kanë shkuar drejt kësaj. Të masin kompetencat që nxënësit duhet të kenë. Pyetjet, dëgjova disa të rinjtë thoshin që kishin pyetje logjike, por kështu duhet të jetë. E mësojmë për ta përdorur drejt. Provimet kombëtare kanë filluar të masin kompetencat. Një debat që duhet të ndodhë, jo nga politika por ekspertët, për mënyra sesi po u mësohet gjuha shqipe në shkolla.
Duhet të ndodhë nga ata që kanë mësuar letërsinë. Në fund, thashë disa të rinj kur iu referova protestuesëve sepse nuk e di kush po proteston, mesa pashë kishte studentë që ishin pjesë e partive opozitare dhe disa që ishin në universitet. Pashë që kishte dalë edhe një burrë. Jam e bindur që maturantët nuk identifikohen me këta persona. Ju uroj suksese nesër dhe për provimin e të enjtes.
