Kanë shkaktuar një furtunë të vërtetë në rrjetet sociale deklaratat e drejtorit të përgjithshem të policisë së shtetit Ardi Veliu në komisionin e Sigurise, kur ai është pyetur lidhur me dh.unën e ushtruar nga disa efektivë ndaj nje adoleshenti pasi ky i fundit kishte shkelur fashat e orareve duke levizur me biçikletë në zonën pranë liqenit artificial.
Ndonëse Veliu ka sqaruar se ndaj punonjësve të policisë ka nisur hetimi dhe ata janë pezulluar, ai ka s.ulmuar nënën e adoleshnetit duke përcjelle live në komison një video ku sipas tij ajo shfaqej me p.istoletë në dorë, por që në fakt ishte një pjesë filmike ku ka luajtur Zaida Çobo.
Në përpjekje për të justifikuar dh.unën e uniformave blu ndaj të miturit, numri “një” i Policisë së Shtetit ka nxjerrë para Komisionit një video, për t’u provuar deputetëve se bëhej fjalë për një familje jo normale.
Por me këtë përpjekje, Ardi Veliu u bë autori i një skandali që nuk ka ndodhur kurrë më parë në kupolën e policisë.
“Por a është në të vërtetët djali që i është bindur të gjithë thirrjeve të policisë siç pretendon mamaja. Do iu shfaq një video të mamasë së tij, që të shikoni se nga çfarë familje vjen.
Kjo është mamaja e djalit me p.istoletë në dorë. Për të thënë se nga çfarë familje vjen. Jo se dua të mbroj policinë, por duhet të jemi realistë dhe të ftohtë në gjykim,” tha Veliu në komision.
Me këtë video, duke tentuar të linçojë publikisht një familje dhe një nënë, Drejtori i Përgjithshëm i Policisë së Shtetit, mashtroi në fakt Kuvendin dhe opinionin publik dhe për më tepër tregoi se ka mungesë të theksuar të aftësisë profesionale, pasi, si kreu i uniformave blu ai ka të gjitha mjetet në dispozicion për të vërtetuar origjinalitetin e videos, të cilën e përdori për të denigruar dhe poshtëruar publikisht nënën e 15-vjeçarit.
Kur efektivë të thjeshtë janë flakur nga radhët e uniformave blu, vetëm për një gjest të pahijshëm në rrugë, çfarë duhet të ndodhë me kreun e Policisë së Shtetit që kapet në flagrancë duke mashtruar publikisht institucionin me të rëndësishëm të Republikës?
