hqipërisë dhe Maqedonisë së Veriut do ti hapet drita jeshile për çeljen e bisedimeve për anëtarësim në Bashkimin Europian në mbledhjen e Këshillit Europian që do të zhvillohet ditën e enjte.
EU News.al ka mësuar se mbledhja e Këshillit Europian që do të mbahet këtë të enjte, do të zhvillohet me video-konferncë dhe votimi do të bëhet me procedure të shkruar.
Në bazë të dokumentit të siguruar nga EU News Shqipëria dhe Maqedonia e Veriut do të marrin dritën jeshile për të avancuar në rrugëtimin europian të tyre, duke filluar bisedimet për anëtarësim me BE-në.
Në dokument Këshilli sugjeron që Konferenca e parë ndërqeveritare duhet të mblidhet sa më shpejt pas miratimit të kuadrit të negociatave nga Këshilli. Specifikisht për Shqipërinë kuadri i negociatave duhet të paraqesë adresimin e pesë prioriteteve.
Në dokument specifikohet që përpara mbajtjes së Konferencës së parë ndërqeveritare, Shqipëria duhet të “miratojë reformën zgjedhore në përputhje me rekomandimet e OSBE/ODIHR, duke siguruar financim transparent të partive politike, të sigurojë vijimin e zbatimit të reformës në drejtësi me funksionimin e Gjykatës Kushtetuese përfshi Gjykatën e Lartë si dhe të marrë në konsideratë opinionet ndërkombëtare përfshi atë të komisionit të Venecias. Duhet të përfundojë ngritjen e strukturave të posaçme kundra korrupsionit dhe krimit të organizuar.
Të luftojë azil kërkimin e shtetasve shqiptarë përfshi pranimin e të dëbuarve nga BE. Të kryejë amendimet e ligjit të medias në përputhje me rekomandimet e komisionit të Venecias.
Duhet të demonstrojë progres në respektimin e ligjit të vitit 2017 për mbrojtjen e të drejtave të minoriteteve, theksohet ndër të tjera në dokument.
