Analisti Aleksandër Çipa ka reaguar për deklaratën e që bëri dje ambasadorja Yuri Kim, e cila tregoi se i ka kërkuar Bashës që ish-kryeministri Sali Berisha të mos jetë pjesë e parlamentit të ri.
Në një intervistë për FaxNews, Çipa tha se: “Vendimi i DASH kundër ish-Kryeministrit Berisha është i pakthyeshëm, i panegociueshëm dhe i pashmangshëm”
“Konsistenca e DASH në adresë të z.Berisha është diçka e pakthyeshme, e panegociushme dhe e pashmangshme. Në kuptimin e asaj që pretendon Berisha për të qenë një aktor prominent në jetën politike. E kam fjalën për vendosmërinë e tij për të qenë pjesë e parlamentit të ri dhe për të qenë një aktor që do të vazhdojë një artikulim të përhershëm, duke dominuar një gjuhë të patetikës politike.
Akuza zyrtare e publikuar, një nga më uniket në krejt Europën Juglindore është një rast i veçantë. Nuk është vetëm mohimi i së drejtës për të shkelur në territorin amerikan. Por shoqërohet me akuza të rënda kryesisht për lidhjet korruptive të rrjetit të tij familjar.
Kurrë ndonjëherë DASH nuk ka bërë një akuzë të tillë, prandaj dhe mendoj se në kuptimin instituvional të fjalës, kjo marrëdhënie e DASH dhe z.Berisha nuk mund të minimizohet si një marrëdhënie midis z.Berisha dhe ambasadores së radhës së SHBA-ve në Tiranë”, deklaroi Çipa.
E çuditshme, por e vërtetë/ Malet e këtij shteti mbulohen nga bora e ‘përgjakur’, ja çfarë po e shkakton këtë fenomen natyror që ka ngritur në këmbë gjithë studiuesit (FOTO)
Dhimbje dhe lot në familjen e tij, del ekspertiza për vdekjen e nëntogerit 27-vjeçar shqiptar, ky është gabimi fatal që i mori jetën
Iu flet goja para mendjes, këto janë 5 shenjat e horoskopit që nuk duhet t’ua tregoni kurrë sekretet tuaja
Më tej Çipa u pyet nëse ka ndonjë mundësi që kjo deklaratë e Kim të jetë individuale . Ai e mohoi kategorikisht këtë mundësi , duke u shprehur se në jetën institucionale të diplomacisë amerikane, veprimet individuale janë të patolerueshme.
“Së pari në jetën institucionale të diplomacisë amerikane, veprimet individuale janë të patolerueshme. Amerika është një shtet i cili ndërgjegjen e institucionalizimit nuk e ka të krahasueshme me vendet që e zgjatin periudhën e tranzicionit, sikundër është Shqipëria. Çdo lloj paralelizmi i tillë do të ishte naiv. Është vetëm thjesht një zbatim rigoroz i qëndrimeve diplomatike dhe politike të DASH për vende dhe individ. Apeli që Kim i bën demokratëve duhet dëgjuar. Jam i bindur që do të kemi ripërtëritje të këtij qëndrimi nga përfaqësues të DASH“, theksoi Çipa.
