Ministri i Jashtëm i Turqisë, Mevlüt Çavushoglu ka telefonuar kryeministrin e Shqipërisë, Edi Rama.
Lajmi bëhet i ditur nga Anadolu Agency (AA), e cila thekson se “burimet diplomatike nuk kanë bërë të ditur përmbajtjen e bisedës”.
Çavushoglu sot në Ankara zhvilloi një konferencë të përbashkët për media pas takimit me homologun e tij nga Republika Turke e Qipros Veriore (TRNC).
Ai në konferencën e përbashkët për media tha se kryeministri i Shqipërisë, Rama, ka dashur ta takojë atë me kryediplomatin grek Nikos Dendias në Tiranë, por se në këtë periudhë Dendias ka hyrë në karantinë, për shkak të kontakteve me personat të prekur nga Covid.
“Pas këtij takimi të parë, jam i gatshëm të takoj Dendiasin duke shkuar në Tiranë me ftesën e Ramës. Kjo është një ftesë, shpresoj që Greqia nuk e refuzon këtë mundësi, këtë ftesë dhe së shpejti fillojnë bisedimet hulumtuese”, kishte theksuar Çavushoglu.
Kryediplomati bëri të ditur faktin se Rama kishte qenë personi që kishte tentuar palët të uleshin në një tryezë, ndërsa sipas Reuters, kryeministri shqiptar e kishte ndërmarrë këtë nismë që pas marrjes së drejtimit të Presidencës së OSBE-së.
