Në selinë e Partisë Demokratike ka patur tensione këtë pasdite. Deputetja Albana Vokshi e cila është pjesë e grupit të Rithemelimit ka deklaruar për mediat se i kanë ndërruar bravën e zyrës.
Kujtojmë se dy ditë më parë, kur Sali Berisha u fut në selinë e PD-së, Këlliçi denoncoi se i kanë humbur sende personale në zyrat e PD-së, duke akuzuar Lulzim Bashën dhe Gazment Bardhin.
Në selinë e Partisë Demokratike ka patur tensione këtë pasdite. Deputetja Albana Vokshi e cila është pjesë e grupit të Rithemelimit fillimisht ka deklaruar për mediat se i kanë ndërruar bravën e zyrës teksa donte të zhvillonte një mbledhje me anëtaret e LDG.
Vokshi shprehet se ka pasur dokumente origjinale të LDG ndërsa shton se ky veprim është bërë pa dijeninë e saj dhe të askujt. Ndër të tjera Vokshi deklaron se ky veprim është uzurpues dhe jo europian.
“Shpërthimi i dyerve të LDG, dhe ka zëvëndësuar bravat. Në këtë zyrë ndodhet një pjesë jo e vogël e historisë së LDG. Çdo informacion dhe dokument zyrtar e origjinal, nuk po flas për sendet e mia personale. Ky veprim është bërë pa dijeninë tonë, veprim i dhunshëm, uzurpues, jo qytetar, jo dinjitoz. Janë të pavarura nga strukturat dhe lidershipi i PD.”-tha Vokshi.
Pasi ka përfunduar takimi i Albana Vokshit së bashku me anëtaret LDG-së, kanë qenë dy zonja në korridoret e PD që e kanë kundërshtuar atë në selinë blu, duke i thënë asaj që mandati i ka përfunduar. Pas takimit ato janë shprehur në lidhje me referendumin e 18 dhjetorit duke theksuar se do vijnë herë pas here në selinë blu. Në përfundim të mbledhjes një mbështetëse e Lulzim Bashës ka ‘përzënë’ Kokalarin nga selia blu duke e quajtur mashtruse, pro*titutë dhe legene.
Evi Kokalari nuk e cilësoi provokim ardhjen e saj në PD. Kjo situatë e tensionuar pritet të vijojë dhe më tej për sa kohë nga grupi i Rithemelimit nuk e njohin Lulzim Bashën si kryetar të Partisë Demokratike. Kokalari deklaroi se ajo që ndodhi ishte një dhunë verbale.
“Këta që i dërgon Lulzim Basha është dhunë verbale dhe psikologjike. Kanë mbyllur të gjitha dyert dhe nuk arrijnë të kontrollojnë dy gra që janë apo jo me probleme. Basha është këtu. Kjo është dhunë psikologjike. Ardhja ime këtu nuk është provokim. Kjo është ndërtesë e Partisë Demokratike.”-tha Evi Kokalari.
Ndërsa një mbështetëse të Lulzim Bashës i thanë Kokalarit për çfarë arsye ka ardhur në Shqipëri dhe kush e ka paguar ndërsa e kanë quajtur mashtruese.
“Sa rrugë ke bërë Amerikë-Shqipëri? Kush të ka paguar ty? Për çfarë arsye mashtron. Mashtruese”-tha një prej zonjave.
Dy ditë më parë, kur Sali Berisha u fut në selinë e PD-së, Këlliçi denoncoi se i kanë humbur sende personale në zyrat e PD-së, duke akuzuar Lulzim Bashën dhe Gazment Bardhin. Ai paralajmëroi se nuk do të ishte çudi nëse kamerat e sigurisë do të ishin fshirë. Policia nuk ma marrë akoma persona në pyetje pasi denoncimi i Këlliçit nuk i referohet emrave konkret. Në vazhdim, bashkë me prokurorinë pritet të vijohet me hetimet për ngjarjen.
