E dinit se korrupsioni dhe vjedhjet me fondet publike, janë burimi i dytë më i madh i parave të pista në Shqipëri, faktor që vjen menjëherë pas trafikimit të narkotikëve? Sipas raportit të “Global Initiative” për vitin 2019, fitimet nga shitja e lëndëve narkotike nga bandat shqiptare, sillen në Shqipëri dhe “injektohen” në ekonomi, veçanërisht në ndërtim, duke pastruar para nëpërmjet kompanive të ndërtimit.
Dy faktorë të lidhur ngushtë me njëri-tjetrit këto që e kanë zhytur ekonominë shqiptare thellë e më thellë në “papastërti” por e kanë nxjerrë “të larë” në këtë lloj fushe që gjeneron të ardhurat më të larta nga tenderat me objekt ndërtimi, rikonstruktimi apo mirëmbajtjeje.
E thënë thjesht, pronarët e këtyre kompanive, marrin MILIARDA nga Buxheti i Shtetit për ndërtime rrugësh, sheshesh apo objektesh të tjera, të çfarëdolloj soji dhe i përdorin kompanitë e tyre të ndërtimit, ai “lavatriçe” në lojën po të pistë të Prokurimeve Publike.
Rikujtojmë se Ministria e Infrastrukturës, merr thelën e dytë më të madhe në Buxhetin e Shtetit, pas Ministrisë së Shëndetësisë, për 2020-ën ishte 45.1 MILIARD LEKË, ndërsa për 2021-in i është shtuar një +4.1 MILIARD duke e çuar në 49.3 MILIARD LEKË.
Dëmi në Buxhetin e Shtetit nga prokurimet publike për vitin 2020, vetëm gjatë muajve Janar-Qershor është përllogaritur rreth 36 MILIONË EURO!!!
Nëse do të analizonim disa nga tenderat e fundit të hapur dhe të shpallur me fitues nga Fondi Shqiptar i Zhvillimit, me në krye Dritan Agollin, do të vërenim shkeljet galopante që janë kryer me fituesit.
Një prej tenderave me vlerën më të lartë, përkatësisht 1.8 MILIARD LEKË PA TVSH ku fitues janë shpallur bashkimi i kompanive “FLED SHPK” i Ferdi Marrës, “SHKELQIMI 07 SHPK” i Shkëlqim Kapllanajt, vëllait të ish-kryebashkiakut të Mallakastrës Agron Kapllanaj dhe “GRAND KONSTRUKSION M” i Tetem Dajlanajt, ka shkelje të rregullave themelore të prokurimeve publike.
Kjo për shkakun sepse të gjithë operatorët ekonomike në garë përveç fituesit janë skualifikuar, dhe fitues është shpallur kompania që nuk ka ofruar ofertën me te ulet sipas rregullave të PP.
Tenderi me objekt “Rikonstruksioni i Rrugës Çamëria dhe i Unazës së qytetit, Kavajë” me fond limit 3.4 MILIARD LEKË PA TVSH, ka shpallur fitues bashkimin e tre kompanive dhe jo pa shkak ndërsa konkurrentët e tjerë në garë janë skualifikuar për një specifikim të veçantë në tender, përkatësisht: “Për mosplotësimin e kapacitetit teknik pika 2.3.1. te Kritereve të veçantë në DT “Përvojë të suksesshme në realizimin e punëve të ngjashme”./JOQ
