Ka disa ditë që deputetja Rudina Hajdari ka deklaruar se do të bashkohet, me lëvizjen “Nisma Thurrje”.
Një lëvizje që fillimisht u quajt një Organizatë e Aktivistëve Civilë, por që në fakt pas saj fshihet Besian Pesha.
Besian Pesha është dënuar si hajdut në bazë të vendimit nr. 0009, data 25. 2. 1999 të Gjykatës së rrethit të Gjirokastrës, është deklaruar fajtor për krimin e vjedhjes dhe në bazë të nenit 134 KPP, është dënuar me katër muaji e gjysmë burgim.
Një njeri, që fillimisht ishte me Erion Veliajn tek Mjaft, dhe më pas shkoi të LSI.
Më pas ai pasohet nga një ish-drejtor të cilin e ka pasur aty ku ka shkuar, tek AKBN, institucioni i skandaleve të Besian Peshës, ku një raport i KLSH-së, tregon bëmat dhe gjëmat e tij.
Nisma “Thurje” duket se do të jetë partia e hajdutit Besian Pesha, ku do të futet edhe Rudina Hajdari.
Besiani i Ilir Metës, kjo ishte arsyeja se pse Rudina Hajdari u thirr në Presidencë. Atje duhej të shkonin të gjitha partitë parlamentare, Balli Kombëtar, Balli Kombëtar Demokrat, Legaliteti, e të tjerë faktorë që kanë hyrë si plotësues nga listat shumëemërore, pas djegies së mandateve të deputetëve nga Lulzim Basha dhe Monika Kryemadhi.
Në fakt, asnjë nuk u thirr në Presidencë nga Ilir Meta, por vetëm Rudina Hajdari, e cila nuk ka parti.
Por, tani mesa duket partia e saj do të jetë Nisma Thurje, e hajdutit Besian Pesha. Një brand ku mesa duket do të shkojnë edhe disa nga ata të mërziturit që nuk shkojnë me Monën.
Më poshtë po sjellim edhe disa foto të Besian Peshës me Mjaft, apo kur ishte zyrtar në Ministrinë e Kulturës me Ferdinand Xhaferrajn.
Më pas drejtori i AKBN. Njeriu i cili shkoi nga Mjaft tek LSI-ja, për t’u kthyer më pas në gjoja aktivist të Shoqërisë Civile, dhe tani fshihet pas një partie, ku janë mbledhur përtej disa intelektualëve me vlera, ka edhe një tufë me hajdutë që nxjerrë përpara disa imazhe positive për të rrëmbyer votat e shqiptarëve dhe për t’u bërë vasal i Ilir Metës, apo për të përfunduar tek Erion Veliaj, aty ku dhe e kanë filluar.
p
