Luiz Ejlli, këngëtari që tashmë është kthyer në fenomen me lojën brenda shtëpisë së Big Brother nuk e ka fshehur asnjëherë admirimin për Sali Berishën.

Por a do i bëjë ish-kryeministri një ftesë për ta përfshirë në PD pasi të dalë nga shtëpia? Kryetari i PD-së ishte i rezervuar duke e kaluar me batuta.

“Besoj se nuk ka asnjë rëndësi mendimi im, pasi Luizi dëshmoi veten një artist, interpretoi si artist me talent dhe meritoi, nuk shkoj më tutje sepse nuk dua, sepse secili ka diellin e vet dhe nuk dua të përzihem.

Ai meritoi admirimin e publikut shqiptar dhe më tej. A do i bëjë ftesë në PD? Tani pjesa e dytë e pyetjes është individuale, sepse secili ka diellin e tij dhe prandaj nuk ka një përgjigje tani” tha ai.