Nga Anri Bala
Sinjor Vitorio Sgarbi, si figurë e njohur në Itali në fushat sociale dhe politike, krejt papritur u bë i njohur më shumë në Shqipëri, jo si babai i një vajze me nënë shqiptare, por si “babai” i arkeologjisë dhe antikitetit. Futja në diskutim me njerëz të fushës dhe kundërshtimi pa asnjë argument i ideve të tij të marra aty këtu nëpër faqe librash dhe informimet nga rrjetet sociale, ku gjenden me mijëra përralla të interpretuara sipas dëshirës së atij që i ka shkruar, nuk i rrisin vlerat një personi publik, por e identifikojnë si një folës, që merret me thashetheme nga “kroi i fshatit”.
Shprehja dhe mbrojtja e idesë së hedhur nga Sinjor Sgarbi, se Bylisi është qytet grek, është e njëjtë me atë të “Megaloidesë”, ku studiuesit dhe krijuesit e saj pretendojnë, se Hellada e Helenës shtrihet deri në Mallakastër. Helena mund të ketë ardhur për ndonjë punë në Mallakastër, por me ndonjë Ilir, sepse grekët nuk kanë ekzistuar.
Greqia e sotme ka qenë një numër i madh ishujsh, ku jetonin 19 kombe të ndryshëm si Athiniot, Spartan, Trojanë, Epiriotët, Maqedonasit, Thrakët, Thesaliotët dhe sipas Andreas Kilb, redaktori i “Frankfurter Alemanje Caitung”, grekët e sotëm janë një përzierje fisesh, që kanë kaluar dhe kanë lënë gjurmë ndër vite në këto territore.
Bylisi është themeluar para 3200 vitesh nga dy paraardhës të shqiptarëve, në një distancë kohore kur nuk ekzistonte fare koncepti grek. Është qesharake dhe absurde! Po ti referohemi grekëve, lidhen po prapë me një fis epiriotas, pellazg, përsëri me shqiptarët. Nuk ka sot shkencë më të manipuluar se sa historiografia botërore, sidomos antikiteti, sepse është përdorur politikisht. Kishte bërë jehonë dhe në Greqi kjo deklarata.
Bylisi ka qenë gjithmonë një qytet ilir. Nuk ka teatër grek aty. Qytetërimi pellazg dhe ilir është i vetmi qytetërim i dokumentuar dhe autokton i Europës, nga ku lindi pasandaj qytetërimi trojan. Të vetmet fise autoktone të dokumentuara në Europë, janë ilirët dhe pellazgët, deklaron historiania Eleni Kocaqi.
Por, dhe në ka pasur një teatër grek, nëse Bylisi ka qenë i pushtuar nga Helenët, kjo nuk ndryshon asgjë në identitetin e qytetet, por thjesht shfaq krahas ndërtimeve unike, një ndërthurje ndërtimesh të një kulture tjetër, si ajo e pushtuesve, që marrin me vete me ëndrrat edhe mallin për shtëpinë dhe vendin nga kanë ardhur, duke menduar se nuk do kthehen kurrë më.
Sipas Sinjor Sgarbit, meqë kompleksi i ministrive në Bulevardin Dëshmorët e Kombit, është ndërtuar nga italianë dhe sipas kulturës së tyre të ndërtimit, atëherë Tirana na qenka qytet italian. Lëre pastaj nëse do kishim edhe kazermo-teatrin, si vend ku kishte zanafillën zhvillimi i kulturës italiane në vendin e pushtuar, atëherë të jeni të sigurtë, se mbas disa vitesh, arkologët italian, pasi të “zbulojnë” mbetjet e lashta të qerpiçit dhe pupuliteve, do flasin për qytetin italian 100 vjeçar… Tirana.
Ndaj, “paskemi bërë mirë”, që e shembëm gazermën teatrore, për të mos i dhënë mundësi teoricienëve, që të na e kujtojnë si gozhda e Nastradinit një copëz histori pushtimi dhe nënshshtrimi, sepse “sgarbët” nuk e kanë për gjë, që pushtimin pas shumë vitesh ta quajnë asimilim identiteti dhe historie. /Ekskluzive.al
