Bajram Mustafaj nga Bajram Curri në Francë, rrëfeu jetën e tij në Shqip nga Rudina Xhunga në Dritare TV.
Mustafaj ka bërë 12 vjet burg për këngëtaren e njohur Ema Qazimi. Mustafaj ishte një fans i çmendur pas saj, dhe kushdo pranë tij e dinte se sa shumë e pëlqente ai këngëtaren e njohur shqiptare.
Një shaka mes shokësh në repartin ushtarak në Rinas, për Ema Qazimin, bëri që Mustafaj të marrë armën dhe të qëllojë drejt shokut të tij.
“Unë quhej Bajram Mustafaj, kam lindur në Bajram Curr. Kam qenë ushtar në Rinas dhe në vitin 1977 jam dënuar me 12 vjet për tentativë vrasje.
Në vitin 1982 për arsye shëndetësore u transferova në burgun 313 në Tiranë në Kaush, kështu quhej vend grumbullimi i të burgosurve.
U dënova për një sherr të rinjsh. U zura me një shokun tim të repartit gjatë kohësh që isha ushtar në Rinas.
Kam qenë një tifoz i çmendur i Ema Qazimi. Në natë kur Ema Qazimi po këndonte, për inatin tim ai fiku televizorin. Këtu nisi sherri.
Unë isha infermier reparti dhe nuk kisha armë, por gjatë përleshjes mora automatikun në armaturë. Por fatmirësisht ai nuk vdiq.
Kështu u dënova për tentativë vrasjeje. U bë gjyqi ushtarak dhe më dënuam me 12 vjet burg. Si fillim kreva burgun në Bulqizë dhe më pas në Batër të Martaneshit. Për arsye shëndetësore më transferuan në Tiranë.
Unë Ema Qazimin e kam takuar vetëm një herë në klinikën dentare të motrës sime, në Tiranë. Ajo shkonte të rregullonte dhëmbët aty dhe motra ime i tha që unë isha një fans i çmendur për të, por nga emocioni unë nuk i fola dhe nuk munda të bëj asnjë bisedë me të.
Ajo ishte hera e parë dhe e fundit që e pashë”, u shpreh Mustafaj
