Kryeministri Edi Rama ka marr pjesë dje në Samitin Europian, i cili u mbajt në Itali. Gjatë fjalës së tij kryeministri Rama, foli ndër të tjera për integrimin e vendit në Bashkimin Europian po ashtu edhe sa i përket reformës në drejtësi. Po ashtu, kryeministri Rama i ka dërguar edhe një mesazh kryeministrit të Kosovës Albin Kurti, nga ku u shpreh se ky i fundit duhet që të pranojë Shengenin.
I pyetur për polemikat që shoqëruan faktin që kryeministri i Kosovës, Albin Kurti, votoi në Shqipëri, Rama tha se vendet duhet të punojnë së bashku, për të bërë më të mirën për të marrë Shengenin. “Së pari mënyra më e mirë për të shkuar para është të biem dakord. Duhet të punojmë të gjithë së bashku që të bëjmë më të mirën për të marrë Shengenin rajonal.
Të katërta liritë e Bashkimit Europian duhet të jenë për të gjitha vendet. Keni një hapësirë më të madhe ekonomike. Besoj forcërisht se është jetësore, ka qenë dhe do të jetë, kur vjen puna sa i përket dialogut mes Kosovës dhe Serbisë. Unë mendoj se në të dyja vendet ka diçka të lënë në nivel më të ulët dhe të lartë. Mendoj se gjithçka është e mundur”, theksoi Rama.
Influenca turke
Kryeministri ka rrëzuar edhe zërat për influencë turke në Shqipëri. Ai theksoi Turqia është pjesë e rëndësishme e sigurisë së Bashkimit Europian, por nuk ka influencë në vendin tonë. Ai theksoi se marrëdhënia midis dy vendeve është e mirë. “Nuk ka dyshim që Turqia është kyçe për sigurinë e Bashkimit Europian dhe Bashkimi Europian në këndvështrim për një Turqi më të fortë. Kur vjen fjala për rajonin dua ta bëj të qartë ne kemi një marrëdhënie të mirë me Turqinë, për ne është partner strategjik, marrëdhënia jonë me presidentin është e mrekullueshme.
Nuk ka asnjë shenjë të asaj çka pretendojnë disa burime se ai po ushtron ndikim, influencë në Shqipëri apo rajon, pra bërjen otomane, pra në rajonin e Ballkanit”, tha kryeministri Edi Rama. Teksa foli për reformën në drejtësi ai u shpreh se do bëjë më të mirën për të ardhmen e vendit, teksa ka shtuar se për reformën duhet pak durim.
Ai theksoi se reformat në drejtësi do të bëhen më shumë për brezat e ardhshëm. “Bazuar në një monitorim strikt se ku ne qëndrojmë kemi mësuar se ka nivele të ndryshme pëlqimi, ka një staf delegacioni në Shqipëri që i ndjek të gjitha ngjarjet. Reformat duhet t’i bëjmë për fëmijët tanë dhe për të ardhmen e fëmijëve tanë, reformat duhet ti bëjmë për brezat e ardhshme, por duhet të jemi edhe të durueshëm. Ne mund t’i bëjmë të gjithë ato që duhet dhe e dimë se çfarë është e rëndësishme”, shtoi ndër të tjera kryeministri Edi Rama .
Rama flet për integrimin e vendit
Kryeministri Edi Rama foli edhe për fitoren e mandatit të tretë dhe objektivin për integrim e vendit në Bashkimin Europian. Ai theksoi se Bashkimi Europian është zgjedhja e vetme dhe e fundit për Shqipërinë, ndërsa vijoi më tej duke thënë se asnjë vend nuk e zëvendëson ndikimin e saj. “Është e vërtetë se në Shqipëri nuk ka ndonjë vlerë se kush fiton dhe kush humb sa i përket Bashkimit Europian, sepse shqiptarët janë të orientuar nga BE dhe nga Perëndimi.
Rruga europiane është e vetmja rrugë. Ne me të gjithë të tjerët kemi marrëdhënie me rajone të ndryshme, por asnjëri prej tyre nuk është zëvendësuese e BE, si qëllimi im, si destinacioni ynë si pikëmbërritja jonë, por mendoj se ka shumë çështje me të cilat duhet të merremi në këtë periudhë”, tha ndër të tjera Edi Rama.
