Qeveria në Tajlandë ka njoftuar se do të shpërndajë 1 milion bimë kanabisi pa pagesë për t’u kultivuar në shtëpi.
Sipas lajmeve në shtypin kombëtar, ministri i Shëndetësisë, Anutin Charnvirakul, në një postim në llogarinë e tij në Twitter tha se planifikojnë të shpërndajnë 1 milion bimë kanabisi pa pagesë në qershor, kur do të bëhet i ligjshëm kultivimi në shtëpi.
Charnvirakul tha se kompanitë tajlandeze do të jenë në gjendje të shesin produkte kanabisi me një përbërës tetrahidrokanabinol aktiv ndaj drogës prej 0.2 ose më pak.
Me rregulloren e re që do të hyjë në fuqi më 9 qershor, do të lejohet kultivimi i kanabisit mjekësor në shtëpi.
Nga kjo datë, tajlandezët do të mund të kultivojnë kanabis të përdorur për prodhimin e kanabisit në shtëpi nëse informojnë autoritetet lokale. Rritja e kanabisit për qëllime tregtare do t’u nënshtrohet proceseve të tjera të lejes.
Tajlanda u bë vendi i parë aziatik që legalizoi prodhimin dhe përdorimin e kanabisit për qëllime mjekësore në vitin 2020.
