Pas një maratone të gjatë gjyqësore, për prishjen e një objekti pa leje të ndërtuar afër shtëpisë së tij, Xhevit Shkozës, i duhet më shumë se një dekat për të gjetur zbatimin e vendimit të formës së prerë të dhënë nga ana e gjykatës.
Në vitin 2009 shtesasi Mahmut Arapi, kishte nisur ndërtimin e një shtëpi tre katëshe, një metër e gjysëm larg banesës së Xhevit Shkozës. Për pasojë shtëpia e Xhevitit kishte nisur të dëmtohej, pasi ujërat e kullimit të shtëpisë së fqinjit përfundonin tek banesa e tij.
Kjo ka detyruar atë t’i drejtohej gjykatës, duke kërkuar prishjen e ndërtimit pa leje të fqinjit. Pas katër vitesh nëpër gjyqe Xhevitit i fitoi dhe gjykata në vitin 2011 kishte urdhëruar prishjen e objektit pa leje të ndërtuar nga Mahmut Arapi.
Në vitin 2015, pas informacionit të kërkuar nga Fisk Fare, se përse nuk po zbatohej vendimi, Zyra Përmbarimore Durrës ishte vënë në lëvizje duke trokitur në banesën e Xhevitit dhe komunikuar atij se shtëpia e debitorit Mahmut Arapi do të prishej me 27 maj 2015.
Sapo përmbarimi kishte nisur ekzekutimin e vendimit të gjykatës, palët kishin rënë dakord duke bërë një marrëveshje mes tyre që shtëpia e Muhmud Arapit të mos prishej, por të shmangte vijën e shkarkimit të ujrave.
Marrëveshja nuk gjeti zbatim dhe për pasojë Xheviti i është drejtuar sërisht Gjykatës së Shkallës së Parë Durrës. Sërish gjykata doli me vendimin e ekzekutimit të prishjes së shtëpisë së Mahmut Arapit, vendim që mban numrin 89, të datës 21.01.2021, por që Zyra Përmbarimore Durrës vazhdon të mos ekzekutojë, pasi pala debitore ka ndërruar jetë e për pasojë duhet çelur testamenti i trashëgimisë. Për sorollatjen nga zyra e përmbarimit Xheviti i është drejtuar sërisht Fiks Fare.
Pas denoncimit në Fiks Fare, sëbashku me gazetarët qytetari nga Shijaku, kontaktoi kryetarin e Zyrës së Përmbarimit Durrës, Z. Durim Balla, i cili pasi u informua se kush e ka pasur si çështje në ndjekje u shpreh “përmbaruesi që ka pasur çështjen për ta ndjekur është emëruar në një vend tjetër dhe nuk është më tek Zyra e Përmbarimit Durrës”. Ndërsa garanton qyetarin se do të ngarkojë një përmbarues tjetër për ndjekjen e rastit “për punë 4 – 5 ditësh javën tjetër po ja jap përmbaruesit edhe bën lajmërimin” pohon kreu i Përmbarimit Durrës.
Një javë pas bisedës me Xhevit Shkozën, Fiks fare iu drejtua Zyres së Përmbarimit të Durrësit për arsyen e zvarritjes së ekzekutimit të vendimit të gjykatës për problemin e zotit Xhavit Shkoza.
Në përgjigjen e tij, ky institucion sqaron se mosekzekutimi i urdhërit të ekzekutimit për një periudhë prej 10 vitesh nuk ka ardhur si pasojë e mosveprimeve të Zyrës Përmbarimore Durrës, por për shkaqe të tjera. Gjatë kësaj periudhe është pushuar një herë ekzekutimi i këtij vendimi për shkak të një deklarate noteriale të firmosur mes palëve kundërshtare nëe vitin 2015.
Kjo deklarate noteriale nuk është përmbushur prej zotit Arapi dhe çështja ka përfunduar sërisht në gjykatë, ku padëtitësi ka marrë një tjetër urdhër ekzekutimi.
Sipas Zyrës përmbarimore të Durrësit, në 24 qershor të vitit 2021 është shtyrë sërisht ekzekutimi i vendimit, për shkak të gjëndjes shëndetësore të rënduar të palës debitore i cili u shoqërua me ambulancë.
Më pas pala debitore ndërroi jetë dhe Zyra Përmbarimore e Durrësit pezulloi ekzekutimin e vendimit të gjykatës dhe është nëe pritje të daljes së aktit të trashëgimisë së debitorit për të vazhduar me ekzekutimin e vendimit të gjyakatës
Pra, zoti Xhavit duhet të presë derisa të dalin trashëgimtarët ligjorë të kundërsharit të tij, për të shpëtuar shtëpinë nga rrënimi.
