Kandidati për deputet i PS-së në Berat, Nasip Naço ka folur mbrëmjen e djeshme me detaje për largimin e tij nga LSI.
Naço shprehu pakënaqësi të shumta duke deklaruar se LSI u bë vasale e PD-së. Ndërkohë, ai shfaqi edhe pakënaqësi ndaj Kryemadhit.
“Si mund të jem unë, të marr njerëzit në bulevardin kryesor të Tiranës dhe të flasë vetëm Basha dhe Kryemadhi me Vasilin të shohin nga podium. Unë të duartrokas Lulzim Bashën? S’mund të më nxjerrë Petrit Vasili nga politika. Me Metën kam qenë korrekt, ai më ka futur në politikë. LSI u bë vasale e PD-së”, deklaroi Naço.
Pjesë nga biseda:
Nasip Naço: Marrëdhëniet e mia me lidershipin aktual të LSI, nuk ishin aq të mira. Mua më është kërkuar nga kryesia e vogël e LSI, që unë të ikja nga qarku i Beratit, drejt qarkut të Durrësit. Më është kërkuar në mënyrë paksa jo të natyrshme nga lidershipi që të zëvendësoja zotin Koka. Momentet e para nuk ka qenë e lehtë për mua, pastaj sigurisht që unë kam vite ne politikë, duke u marrë me strukturat, duke u përgatitur me zgjedhjet e vitit 2021.
Kërkesat kanë qenë të panatyrshme. Më kërkonin të merrja një numër mandatesh, po t’ua them edhe ju do të qeshni. Mbas punës në terren më kishin ardhur sinjale që edhe kërkesat për Beratin ishin më shumë se sa mundësitë e realizimit. Duke qenë në terren, shoh që ishin prezantuar dy kandidatë në qarkun e Beratit. Nuk më thirrët të më komunikonin diçka. Askujt nuk i jam lutur, çfarë kam arritur. Nga ky moment unë i jam drejtuar profesionit tim.
Rakipi: Kur ua kanë sjellë videon? Sa kohë pas videos keni kontaktuar me Ramën?
Nasip Naco: Unë me zotin Rama jam takuar në ditët e fundit të dhjetorit.
Rakipi: Përpjekja e zotit Rama, ka qenë për të kapur lepurin me qerre… Unë këmbëngul që kjo është një përpjekje shumë e madhe e mazhorancës, që pas Leftër Kokës t’ju merrte edhe ju. Duket që ju përbëni një duet mjaft të fortë me Lefter Kokën.
Nasip Naço: S’ka lidhje me zotin Koka.
Rakipi: Ndodh që kapesh në këtë botë Nasip. Koka ka një histori me inceneratorët. Ai ishte në punë, i duheshe edhe ti.
Nasip Naço: Edhe ju keni qenë në televizione të tjera, ju keni ikur. Kur fillon e mbaron respekti, fillon paranoja. Pa më thirrur të prezantosh të tjerët dhe më e keqja, nuk ke asnjë kandidat që ishin në 2017 në Berat, duke pretenduar që nuk ka rol individi. Partia është e fortë, s’ka pse shqetësohen, nëse unë nuk përbëja ndonjë problem për LSI.
Rakipi: Ju ishit nga njerëzit më të rëndësishëm, në LSI për këtë arsye përbën ngjarje të rëndësishme. Është njëlloj sikur Pandeli Majko të ikë nga PS. Ky përbën lajm dhe për këtë arsye të kam thirrur.
Nasip Naço: Marrëdhëniet e mia me LSI janë ndërprerë… Më thanë një ditë të ikësh nga Durrësit, të kthehesh në Berat, sepse unë nuk dal aty të them filani bën drogë etj.
Rakipi: Duhet të pranojmë një gjë të thjeshtë, që kjo video është ndërtuar dhe dërguar LSI-së. Është e qëllimtë apo jo? Ju keni komunikuar me lidershipin e LSI?
Nasip Naço: Ata kërkonin shumë mandate dhe do të qeshnit. Nuk dua të qëlloj me gurë LSI-në.
Rakipi: Më vjen keq por të gjithë deputetë kërkojnë. Po të mbledhim deputetët që kërkojnë forcat politike, po ti mbledhësh, janë shumë.
Nasip Naço: Nuk ika për shkak të renditjes se mund të ikja edhe për shkak të renditjes.
