Nga Adriatik Doci
Gjatë muajt tetor 2021 Sali Berisha nuk është paraqitur asnjë ditë në Parlament, për shkak të angazhimit në aksionin politik për të rrëzuar Lulzim Bashën, për të rimarrë Partinë Demokratike dhe për hequr emrin nga lista e zezë e Shteteve të Bashkuara të Amerikës.
Megjithatë, Sali Berisha është paguar me 156 770 lekë pagë nga Kuvendi ose rreth 1.5 mijë USD, ndërsa ka përfituar edhe 30 016 lekë për karburant si dhe 17 000 lekë për telefon, pra në total rreth 2 mijë USD. Ndonëse kontributi tij parlamentar si ligjvënës është zero, ish-kryeministri është paguar me paratë e taksapaguesve shqiptarë.
Ndërkaq, pasi janë betuar në Kuvend, disa nga deputetët kanë marrë para edhe për fjetje në hotel. Mes përfituesve nuk mungon emrin i deputetit Trina Shehu, i cili nuk u ndahet hoteleve, ndonëse nga disa shtëpi në Tiranë, Gjirokastër, Himarë dhe Durrës, përfshirë edhe një bujtinë në kryeqytet.
Tetë deputetë të Kuvendit që prodhuan zgjedhjet parlamentare të 25 prillit 2021 trajtohen me bonus qiraje banese me vlerë deri në 350 USD në muaj. Deputetët që marrin pagesa për shpenzimet e qirasë në Tiranë janë Mirela Pitushi, Eralda Bano, Meri Markiçi, Gledis Çeliku, Sorina Koti, Enslemvera Zake, Nustret Avdulla dhe Ilirjan Pendavinji.
Gjatë legjislaturës së kaluar numri i deputetëve që merrnin para nga buxheti i Kuvendit me pretendimin se jetonin me qira, ishte 23. Vendimi nr. 114/2014 për mënyrën e trajtimit të deputetëve parashikon që Kuvendi mbulon shpenzimet për strehimin në masën 35 000 lekë në muaj të deputetëve, të cilët nuk banojnë në rrethin e Tiranës. Por, ka dyshime të forta që kontratat e paraqitura nga deputetët për banesa me qira mund të jenë fiktive.
Çdo deputet i Kuvendit të Shqipërisë përfiton mesatarisht në muaj rreth 3 mijë USD deri në 3.5 mijë USD, duke përfshirë pagën, pagesa për karburant, pagesa për telefon, dieta, pagesa për pjesëmarrje në mbledhjet e komisioneve të përhershme parlamentare, pjesëmarrje në seancat plenare etj.
K.T./ReportTv.al
