Partisë së Monika Kryemadhit dhe e burrit të saj president që vetëm bërtet, me sa duket po e braktisin dhe mediat.
Në konferencën e sotme, veç fjalimit mediokër të Monikës, ku shqiptarët s’kanë lekë të vishen edhe nuk ushqehen mirë, a thua se nuk është faji i saj për gjithë ç’ka ka ndodhur në këtë vend, u vu re se pjesëmarrja e gazetarëve në konferencë ishte tejet e vakët.
E kjo do të kishte kaluar pa rënë në sy, nëse mes gazetarëve anonim apo edhe atyre më të fushës, do bëheshin pyetje mediokre alla mbledhje partie.
Ndoshta mediat janë lodhur duke dëgjuar batutat idilike të Monikës për Ilir Metën, duke na i shitur a thua se janë personazhe të realizmit magjik të Marques, sidomos kur dëgjojnë fjali të tipit: “Meta as për fëmijët e tij nuk do e shkelte ligjin”.
Por historia me familjen Meta na ka dëshmuar gjithmonë të kundërtën, e dokumentat gjithashtu. Vetëm kohët e fundit kanë rrjedhur disa dokumenta, që dëshmojnë se si bashkëshorti i Monika Kryemadhit ,ka shkelur ligjin duke i dhënë nënshtetësinë disa këngëarëve të tallavasë me pretekstin se janë “asetë kombëtar”.
Për ata që nuk e dinë, shitja e nënshtetësisë, ka qenë dhe është një biznes i njohur për postin e kryetarit të shtetit, i cili u jepte nënshtetësinë shqiptarëve të Kosovës, etj, kundrejt një shume 3 mijë euro, qysh prej liberalizimit për Shqipërinë.
Shqiptarët e Kosovës nuk e bëjnë aspak për patriotizëm këtë punë, por për sa kohë për ta është ende regjimi i vizave, të qenurit shqiptar i jep mundësinë për të udhëtuar pa ndalesa në Europë e kudo ku lejohet, duke respektuar rregullat e lëvizjes së lirë.
Me sa duket, mediat janë lodhur duke dëgjuar Monikën dhe Ilirin dhe monologjet e tyre se si pikëllohen për shqiptarët që i duan duke i rrjepur, andaj i kanë braktisur duke mos i çuar gazetarë profesionist, apo duke mos marrë pjesë fare./Ekskluzive.al
