Falë kufizimeve të panumërta të udhëtimit për shkak të pandemisë globale, shumë njerëz në botë mund ta kenë gjetur veten të ngecur larg shtëpisë për gjithë këtë vit.
Për më tepër, në britaninë e madhe, varianti i ri i koronavirusit i zbuluar ka cuar në ndalime dhe kufizime të udhëtimeve drejt dhe nga vendi, cka do të thotë se shumë banorë që gjenden aktualisht jashtë, nuk do të mund të kthehen për pak kohë.
Por, një faqe webi, My Baggage, ka menduar një dhuratë speciale për ata që i merr malli për shtëpinë, që thënë thjeshtë është vetëm një grusht ajër i pastër…
Kompania, aktualisht po shet shishe me ajër ‘autentik” nga Anglia, Skocia, Uellsi dhe Irlanda e veriut, për ti siguruar britanikëve jashtë vendit pakës aromë shtëpie. Me një cmim prej 25 paundësh, ose rreth 33 dollarësh amerikanë, shishja 500 mililitërshe vjen me një mekanizëm që lejon hapjen e saj sa herë që ndizet malli për shtëpinë.
Përvec kësaj, kompania merr edhe porosi speciale për ndonjë vend tjetër specifik në britani. Së fundi, ajo ka përmbushur porosinë e një uellsiani që kishte kërkuar një shishe me ajër nga rajoni malor i Snoudonisë, në uellsin veriperëndimor.
Ndërkohë, një edicion special, i kufizuar i shisheve me ajër, sjell aromën e londrës së nëndheshme apo atë të një lokali në Norfolk që shet peshk dhe patate.
