Kryeministri Edi Rama përmes një postimi në Twitter ka reaguar sërish pas deklaratës së djeshme ku tha se PS-ja doli pro hapjes së listave dhe ndalimin e koalicioneve që shkaktoi furtunë në kampin e PD.
Rama ka një këshillë për Bashën.
“Një këshillë miqësore për Lulzim Bashën e kolegët opozitarë jashtë Kuvendit: Lërini sharjet e kërcënimet ju lutem e mos thoni u prish marrëveshja, se ajo marrëveshje u bë me ju e për ju, jo për ne!. Ne s’donim e s’duam administratë zgjedhore partiake, prandaj mos na provokoni se s’ua kemi borxh as ne, as populli jo e jo, pasi morët gjithçka deshët!
Peng Kuvendin e zgjedhësit, të cilëve do t’u japim mundësinë të votojnë për deputetin e jo vetëm për partinë, nuk i merrni dot! Po mos na nxisni kundër asaj marrëveshjeje që e bëmë për ju po na lini ta votojmë se do pendoheni”
