Intervista e djeshme e presidentit Meta, e ka lënë pa gjumë Karminën.
Ajo nuk e kishte menduar kurrë që ëndrrën e jetës së saj mund ta thyente dikush për një minutë.
Dhe e ndau këtë shqetësim me fansat e saj:
“Të dashur fansa.
Ju e dini që unë kam bërë shumë sakrifica për dashurinë.
Kam dhjetë vjet në një lidhje, që pres të bëhet dasma.
E kishim lënë sivjet në tetor, por u tha do ketë zgjedhje të parakohshme dhe e shtymë.
Sot dëgjoj që zgjedhjet do bëhen në maj të vitit tjetër, ndërkohë që jam shumë vonë të bëj dasëm për këtë vjeshtë.
Ja po durojmë dhe deri vjeshtën tjetër, por nuk është ky problemi.
Pritja jonë e ka një kuptim.
Zeni më ka dhënë një premtim, që unë do jem “Zonjë e Parë”.
Ndërkohë që unë po sakrifikoj në emër të kësaj ëndrre, presidenti fare papritur i propozon Fevzos në emision live të bëhet kryeministër.
Kjo më ka goditur shumë.
Jo se kam gjë me Fevzon, pasi siç tha ai dhe ai, nuk është çmendur të bëhet kryeminsitër para Zenit, por ideja se dikush që e ke aleat, mund të të tradhtojë me lehtësi, të trondit.
Merlin Monro ka thënë, se njeriun e mban gjallë shpresa dhe e vdes tradhtia.
Dje mu kujtua kjo shprehje kur dëgjova që presidentit i shkon në mendje dhe për njerëz të tjerë për t’i bërë kryeministra.
Kjo jetë është e padrejtë.
Të sakrifikosh kaq shumë dhe në fund të dalë dikush të ta shesë ëndrrën me qetësi, është e pafalshme.
Biles sikur dhe Qim Pekës t’i kishte ofruar këtë post, do isha mërzitur, e jo më Fevzos.
Por me sa duket, duhet të bëhem e fortë.”
