Ministri i Shteti për Mbrojtjen e Sipërmarrjes Eduard Shalsi, ka ironizuar deklaratat e kandidates për deputete të PD Flutura Açka e cila tha se gjuha e Ramës nuk i gjan një kryeministri.
Shalsi sjell në vëmendje sjelljen e Berishës dhe Metës ku ndër të tjera nënvizon:
“Flutura Açka nuk na surprizon më. Gjuha e Edi Ramës thotë nuk i ngjan asaj të një Kryeministri. S’ka faj e shkreta e krahason me gjuhën e Sali Berishës dhe sjelljen e Ilir Metës, pa folur për Luçianon. Bravo Flutura për standardet që ke!”, shkruan Shalsi.
Më herët, në një shënim Açka shkroi se:
“Gjuha e tij nuk i ngjan asnjë kryeministri në botën e qytetëruar, i cili ka detyrë politike të bëjë zgjedhje të ndershme dhe detyrë historike të mos e bëjë më Shqipërinë lajm në gjuhë të huaj për guerrile që vjedhin vota dhe qeverira që vijnë në pushtet si hajdutë të vendimit të popullit të vet, duke shkelur çdo princip, çdo ligj, çdo moral, çdo kod e kusht qytetarie”, nënvizoi Açka.(TemA)
