Nga ky muaj pritet që të nisin arkëtimet e para të penalitetve që qytetarët kanë marrë për mos respektim të masave anti-covid.
Kjo është një nga faturat ku është reflektuar gjoba prej 3 mijë lekësh, për individin i cili është gjobitur nga policia.
Elton Sevrani, administrator i Furnizuesit Shtetëror Universal, pjesë e OSHEE Grup, sqaroi në emisonin E-ZONE se si po kryhet ky proces.
“Cdo individ që ka marrë një gjobë që I korrespondon një kontrate energjie është lehtësisht e verifikueshme dhe përfshihet në faturën e energjisë.
Cdo person që ka një penaliteti por nuk ka kontratë në emrin e tij, gjoba kthehet mbrapsht tek policia”, sqaron Sevrani
Deri më tani janë me mijra gjoba të cilat nuk korrespondojnë me të dhënat të sakta dhe se nuk kanë kontratë nergjise, të cilat praktikisht janë të pa zbatueshme.
“Mund t’ju them se janë 2400 gjoba se nuk kanë të dhëna të sakta, ndërsa rreth 19 mijë të tjera janë penalitete në individë që nuk kanë kontratë energjie.
Pra në total rreth 23 mijë gjoba nuk janë të arkëtueshme, ndërsa të gjitha të tjerat po administrohen nga kompania për tu reflektuar në faturë”, deklaroi ai.
Policia thotë se ka vënë në total rreth 60 mijë penalitete. Ndërsa kohët e fundit janë intesifikuar kontrollet dhe gjobat, pasi individët po tregohen indiferentë në zbatimin e masave anticovid.
