Agron Gjekmarkaj thotë se propozimet e fundit të Lulzim Bashës janë të prekshme.
Për Gjekmarkajn ky program ka shqetësuar jo pak Ramën i cili përpiqet ta relativizojë me stilin e konsumuar të batutave, por nga ana tjetër, shton Gjekmarkaj, Basha pasi ka konfiguruar portretin e vet si lider, tani po shfaqet dhe me ekipin.
“Unë mbështes kauzat e opozitës, sepse na ka vendosur kryeministri në këtë pozicion. S’ka rrugë tjetër vec rotacionit.
Kurse opozita në qeveri duhet monitoruar fuqimisht. Opozita ka ardhur duke u rritur.
Basha me vendimet radikale me protesta krijoi profilin e një lideri që merr vendime të forta, ndonëse të qortueshme.
Ka ardhur duke modifikuar këtë profil, muajt e fundit shumë më tepër.
Një komunikator publik, njeri që di të propozojë dhe dëgjojë.
Ka një konfiguracion interesant, pasi ka plotësuar portretin e vet, tani po shfaqet me ekip.
Ai ka kuptuar mendësinë e shqiptarëve. PD ka ekonomistë mjaft të zotë, janë ndalur tek shifrat, numrat.
Gjithçka shkon në raport me kohën. Propozime janë të prekshme. Ka krijuar ngjarje politike, kjo e ka shqetësuar mjaft kampin e kryeministrit, që përpiqet me stilin e konsumuar, me batuta, ta relativizojë.
Fakti që është shqetësuar, e ndjen se është në hapat e fundit, në muajt e fundit dhe po përpiqet të rezistojë”, thotë Gjekmarkaj për Neës 24.
Gjekmarkaj nga ana tjetër është optimist për faktin se opozita do dalë me dy lista në zgjedhje, teksa për analistin administrata do të jetë ‘varreza’ e PS ashtu sicc ndodhi me PD në vitin 2013.
“Po e filloj nga LSI që shoh një fenomen interesant. Figura tradicionale me shumë elementë të rinj, të moshës rreth 30 vjec.
Duke qenë parti më e vogël, më në terren, më agresive dhe më në komunikim kokë më kokë.
PD ka ringritjen e vet të madhe tani. Ka disa qarqe që spikasin, si Mark Marku në Lezhë, Gazment Bardhi në Elbasan, Bujar Leskaj në Vlorë, ka mbetur Tirana ku ësthë dhe presioni më i madh.
Por besoj do jenë Grida Duma, Jorida Tabaku, Albana Vokshi, apo Belind Këllici, por mund të ketë dhe emra interesantë surprizë pasi kanë mbajtur debatin politik.
Kjo nuk është fushatë si të tjerat. Jo vetëm prej pandemisë. Do jetë fushatë më shumë e bazuar në rrjete sociale, media dhe takimet e vogla.
Shpresojmë që qoftë për qeverinë e opozitën të kenë kohë të mirë të takohen me njerëzit e njihen. Qeveria është në fushë, mjaft agresive.
Me mejte të pushtetit politik, lokal, elemente që i ka shumë përzemër. Por edhe me një kosto të një qeverisje dizaster në këto 8 vite.
Fushata do ketë surpriza, rritje tonesh. Është fushatë interesante, e ndryshme nga të tjerat. Qoftë që opozita del me dy lista, nuk e shoh me pesimizëm, por me optimizëm sepse mund t’i rrisë votat.
Pavarësisht se Rama u nis për të kundërtën. Administrata do jetë ndoshta bumerangu i kësaj qeverisje. E provoi PD në 2013 dhe iu kthye në gropë.
Adminsitrata besoj do jetë një varrezë për Rilindjen, nuk do të durojnë më presionin. Shohin nga LSI për garanci për vendet e punës.
PD ka një fytyrë më liberale, më afër qendrës së djathtë, por pse jo të tentojë dhe drejt zonës gri. Ka tabanin e vet tradicional, të persekutuarit, pronarë etj” deklaron Gjekmarkaj.
Share on FacebookTweet about this on TwitterShare on LinkedIn
