Po shtohen shumë këngët në Shqipëri, që vazhdojnë duke përmendur vazhdimisht në tekste marijuanën e kokainën.
Moderatori Olsi Bylyku, për ta ironizuar gjithë situatën, ka marrë disa pjesë nga reperë të famshëm si Noizy, Stresi, Gjiko apo Buta duke përzgjedhur momente ku ata flasin për shitje kokaine, apo transportojnë mallin më të mirë.
“Eci ron si 100 kile
Zbojm transport ner 100 kile
Puna paster nuk ka hile
E bardh a jeshile, e bardh a jeshile, e bardh a jeshile”, thotë në këngën e tij Noizy.
Bylyku me batuta dhe ironi pyet gazetarin investigativ Artan Hoxha se pse nuk merren në investigim këta këngëtarë duke nisur nga këto tekste që përdoren.
Hoxha përmend përgjimet italiane ku tek banda e Habilajve ka dalë në skenë dhe emri i këngëtarit të njohur, Ylli Baka.
Pjesë nga intervista e Artan Hoxhës në emisionin Roped ëith Olsi
Olsi Bylyku: Pse nuk merren në investigim këngëtarët duke nisur nga këto tekste që përdoren?
Artan Hoxha: Kam parë këngëtarë duke punuar vetë, po nxirrnin mallin e gojës. Harrove përgjimet e mafies italiane. “Ylli Bakës nuk do t’ia japim kesh por mall”.
Disa nga këngëtarë që përdorin këto tekste, debatoj me djemtë e mi, këta në ëndërr janë bërë gabimisht repera, këta kanë patur dëshirë të bëhen trafikantë, nuk kanë mundur të konkurrojnë tregun, por në këtë mënyrë ata mund të shoqërohen me këta trafikantë dhe të marrin dhe pjesë nga përfitimi i tyre. Në fakt duhen pyetur këta Prokurorët e SPAK-ut çfarë muzike dëgjojnë (Qesh).
