Ish-deputeti i PD-së së Shkodrës Bardh Spahia, hedh akuza të forta ndaj qeverisë dhe kryeministrit Rama kur thotë se në Shkodër pak ditë më parë ka pasur një tentativë për të fshehur rezultatin e të infektuarëve.
Në një lidhje direkte me Abc Neës, Spahia ka thënë se kryeministri Rama tenton të ndalojë shifrat e të infektuarëve, por nuk merr asnjë masë për të ndaluar përhapjen e covid-19.
Sipas ish-deputetit mjekët dhe infermierët e Shkodrës punojnë në kushte skandaloze, pa asnjë masë mbrojtëse.
“Situata, rezultat i emigracionit të pakontrolluar. Duke mos gjurmuar personat që kanë hyrë në vendin tonë. Vatrat e reja janë nga këta persona të ardhur nga vendet e prekura. Ka një numër jashtëzakonisht të prekurish në personelin shëndetësor.
Duhet të izolohen personat COVID pozitiv. Vatrat kryesore janë nga emigracioni dhe spitali i Shkodrës. Mjekët dhe infermierët janë të shqetësuar pasi punojnë në kushte skandaloze pa asnjë masë mbrojtëse dhe askush nuk merr mundimin që jo vetëm ti sigurojë masa mbrojtëse, por edhe ti testojë.
Para pak ditësh kishte tentativë për të fshehur rezultatet. Kryeministri tenton të ndalojë shifrat dhe nuk përpiqet aspak të marrë masa për parandalimin e përhapjes së COVID-19”, ka thënë Bardh Spahia, ish-deputet i PD.
