Monika Kryemadhi në një takim nga Durrësi deklaroi se me ardhjen e partisë së saj në pushtet Shqipëria do të kthehet në ‘shtëpinë e investimeve’.
Kaq qesharake dhe delirante është sa mendon se njerëzve u ka ikur memoria dhe nuk e dinë se çfarë ka bërë Moni kur ka qenë në pushtet që nga palltet në Tiranë e deri te vila në Lalëz dhe vënd të tjera ku janë regjistruar në emër të ushtarve të saj .
Ky është bilanci i LSI. Mirëpo doktoresha nuk heq dorë dhe vazhdon tregon përralla, për ata që e dëgjojnë, që sigurisht nuk shikojnë mire dhe presin ndonjë kockë nëse ndodh çudia, që hajduteria te riciklohet në pushtet.
Gjatë fjalës së saj teksa ajo prezantoi programin pa program të LSI për qytetin bregdetar, Kryemadhi tha se investitorët e huaj janë përzënë nga Shqipëria, ndërsa shtoi se përgjatë këtyre viteve të qeverisjes nga Rama nuk ka pasur investime të reja, por Moni harroi tu thote atyre dhjetëra dëgjuesve, se çfarë do bëhet me 2000 apartamente për të pastrehët nga termeti që kanë filluar të ndërtohen nga kontrata e Ramës me princin e Dubait?!
Po me ndërtesat që po ndërtohen nga kompanit turke, po me pandeminë që nuk dihet kur i vjen fundi?! Këto doktoresha as që e ka idenë se ekzistojnë, ama investitoret e huaj janë “vënë në radhë” duke pritur që të iki Rama dhe të vijë “doktor i shkencave ekzakte” Lulzim Basha dhe “doktoresha e ekonomisë” me diplomën fallco Monika Kryemadhi
Ajo theksoi se porti i Durrësit do të jetë një stacion lider në rajon. Ndër të tjera Kryemadhi tha se ekonomia shqiptare është ‘marrë peng’ nga kjo qeveri.
“Ndjekja juaj e këtij projekti, duke parë me të mirat dhe të këqijat, kemi një produkt që është i prekshëm. Tashmë këtu në Durrës puna është gati. S’mund të themi se këtu nuk ka njerëz, por projekti është gati. Është me rëndësi që mos të krijojmë hapësira që elitën e Durrësit, mos ta largojmë.
Në mënyrë të tillë që të nxisim zhvillimin. Ky projekt për zonat e lira e kthen Durrësin në një qytet lider në rajon. Durrësi me një port të tillë, e bën atë lider në rajon. Ky projekt jo vetëm që do të krijojë mundësi për të paguar, ne kemi mundësi që të kthejmë Shqipërinë në shtëpinë e investimeve, jo vetëm të huaj, por dhe vendase.
Ekonomia është tregu i lirë dhe një ekonomi e çliruar nga monopolet do të ishte një avantazh për të krijuar investime dhe punësim të mire paguar. A është e vërtet që në Shqipëri s’ka investime të huaja madhore? Përveç TAP dhe disa investimeve të tjera, investimet e tjera janë zero.
Kjo është e vërtetë, mjafton që të shohim se çfarë ka ndodhur me rastet e investitorëve të huaj. 25 prilli do t’i japë fund kësaj lloj sjellje me investitorët. Duke krijuar një hapësirë me zonat e lira, do krijojmë këtë proces, për të mos përplasur investitorët me pronarët fiktivë apo ata të ligjshëm. Janë me mijëra vende pune që nuk janë hapur.
Të gjithë e mbajnë mend premtimin për 300 mijë vende të lira punë, që s’u mbajtën, por janë 600 mijë shqiptarë të larguar. Ne përmes 5 pikave kemi marrë angazhimin tonë, që Shqipëria të jetë jo vetëm shtëpia e investimeve, por të japë hapësira. Siç është marrë peng ekonomia e Durrësit, është marrë dhe ekonomia e të gjithë shqiptarëve.”, tha Kryemadhi.
