Kryeministri Edi Rama dhe ministrja e Shëndetësisë, Ogerta Manastirliu kanë ndjekur sot nga afër procesin e vaksinimit të pedagogëve dhe mësuesve në Tiranë.
Ministrja Manastirliu tregoi se 10 mijë dozat e vaksinës ruse, të mbërritura ditën e djeshme në Shqipëri do të përdoren për të moshuarit + 80 vjeç, në mënyrë që të mos mbetemi prapa me këtë kategori.
Gjithashtu shtoi se në ditët e para të prillit priten të mbërrijnë në Shqipëri doza të vaksinave Pfizer, si dhe janë në negociata me kompaninë AstraZeneca për sigurimin e dozave të tjera të vaksinave.
“Dozat që mbërritën dje, do të vijojmë vaksinimin e të moshuarve + 80 për të ndjekur planin e vaksinimit. Presim të na vijnë doza të tjera të Pfizerit në ditët e para të prillit. Presim nga COVAX një sasi tjetër të AstraZenecas deri në 60 mijë doza. Me të Kosovës thuajse kemi mbaruar, kemi dhe pak për të përmbyllur testimin mbi 500 dozash”, tha Manastirliu.
