Kryeministri Edi Rama do të udhëtojë sot (e hënë, datë 22.03.2021) në Francë, ku do të takohet me Presidentin francez, Emmanuel Macron.
Mësohet se kreu i qeverisë është nisur sot që në orën 9:00 drejt Francës. Udhëtimi i kreut të qeverisë do të zgjasë vetëm një ditë për shkak të angazhimeve për fushatën elektorale në Shqipërisë.
Nuk dihet se për çfarë temash do të diskutohet mes Presidentit francez dhe kryeministrit shqiptar, duke qenë se në lidhje me takimin, nuk ka asnjë njoftim nga palët.
Vlen për t’u përmendur se takimi i fundit i kryeministrit Rama në Francë daton më 15 maj të vitit 2018-ë.
