Mjeku Pëllumb Pipero Ka reaguar sot për tenderin që ka zhvilluar Bashkia e Skraparit, për drekën që do zhvillohen në nder të tij kur të marrë titullin “Qytetar Nderi”. Në një reagim në Facebook, Pipero shkruan se dreka në këtë situatë duhet të anulohet dhe të gjitha shpenzimet për të shkojnë në ndihmë të familjeve në nevojë.
Më tej ai premton se ai do të punojë gjithë jetën time me përkushtim profesional e përgjegjesi qytetare, për ta merituar Titullin e Qytetarit të Nderit në vendlindjen e tij.
“Sapo dola nga studio televizive e EuroNeës Albania, ku gazetarja dhe patriotja ime Ilva Tare, me pyeti midis te tjerave edhe se “si po e perjeton famen”, natyrshem “fama” ime i perket çdo bluze te bardhe, i thashe,por paska edhe “ca kusure”. Keshilli Bashkiak i Skraparit me ka akorduar Titullin “Qytetar Nderi” qe eshte nderi me i madh qe mund te me beje vendlindja ime dhe per te cilin do ti jem gjithe jeten mirenjohes, qytetareve, Keshillit Bashkiak dhe Kryetarit te Bashkise se Skraparit. Dhe “kusuri” eshte lajmi qe po lexoj ne te gjitha portalet se Bashkia ka vendosur te organizoje dhe nje dreke ne cermonine qe do te organizohet me kete rast!
Do ta konsideroja nje nder po aq te madh, qe ne respekt te situates dreka te anullohet dhe ajo shume sado modeste qofte te orjentohet per nevoja te tjera te Bashkise dhe qytetareve te Skraparit, ndoshta ne ndihme te familjve ne nevoje! Duke ju falenderuar edhe nje here, ju premtoj se do punoj gjithe jeten time me perkushtim profesional e pergjegjesi qytetare, per ta merituar Titullin e Qytetarit te Nderit te Vendlindjes time! Me mirenjohje!”, është ky reagimi i Piperos.
Bashkia e Skraparit ka njoftuar hapjen e një tenderi për mjekun e njohur Pëllumb Pipero. Me rastin e dekorimit të tij si “Qytetar Nderi”, Bashkia ka vendosur që të shtrojë një drekë simblike për ndër të tij. Sipas dokumentit në drekë do jenë të ftuar 60 persona, ndërsa për menunë janë parashikuar tre pjata kryesore, pije dhe fruta.
