Debate të gjata në Komisionin e Jashtëm të Parlamentit Europian ku flitet për anëtarësimin e Shqipërisë, ku ndër më kryesoret nga diskutimet kanë qenë shembja e Teatrit Kombëtar, Reforma Zgjedhore dhe Reforma në Drejtësi.
Sipas fjalimeve të disa eurodeputetëve, gjyqësori në Shqipëri është ende i brishtë për të dënuar zyrtarë të lartë të korruptuar dhe për këtë u përmendën dosja “184” dhe dosja “339”, si një kërkesë që Shqipëria duhet të plotësoj për të treguar se zyrtarët e lartë që kanë shkelur ligjin mund të dalin përpara drejtësisë.
“Lufta kundër k.rimit të organizuar dhe hetimi i kujtdo që është përfshirë në shitblerjen e votave janë 2 nga 15 kushtet e BE që Shqipëria duhet të përmbushë përpara nisjes së konferencës së parë mdërqeveritare për negociatat e anëtarësimit,” tha eurodeputeti Gahler.
Po kush janë dosja “184” dhe “339”:
Dosja “184” u hap pas kallëzimit të Partisë Demokratike në fushatën për zgjedhjet e pjesshme për bashkinë e Dibrës në 2017. Publikimi i përgjimeve nga gjermanja Bild në kulmin e krizës politike vjet, i dha edhe më shumë jehonë. Sot asnjë politikan nuk është hetuar, ndërsa organi i akuzës në çdo nivel vijon të shpallë moskompetencën. Dosja “184” është dosja në të cilën u përfshinë në përgjime kryeministri Edi Rama, disa ministra dhe zyrtarë të lartë. Sipas pretendimeve të opozitës, në këto përgjime shihet qartë k.rimi elektoral me shitblerjen e votës dhe pazaret në zonën e Dibrës.
Sërish gazeta gjermane Bild publikoi disa përgjime, pjesë të dosjes “339” ku shfaqen në komunikime të drejtpërdrejta për vota kreu i bandës së Avdylajve me kreun e bashkisë Durrës Vangjush Dako dhe kreun e bashkisë Shijak. Gazeta prestigjioze ka publikuar disa përgjime, pjesë të dosjes hetimore zyrtare të prokurorisë së k.rimeve të rënda numër 339/1, lidhur me aktivitetin k.riminal të organizatës së trafikut të n.arkotikëve, i njohur si “klani Avdylaj” në qytetin e Shijakut. Gjatë përgjimeve ka rezultuar se në muajt pararendës të zgjedhjeve parlamentare të qershorit 2017, klani k.riminal i Avdylajve – shkruan Bild – është përfshirë thellësisht në blerjen e votave dhe intimidimin e zgjedhësve në emër të Partisë Socialistë, përfshi kreun e bashkisë Durrës, Vangjush Dako, qyteti i dytë më i madh në Shqipëri.
