Një grup misterioz po vëzhgon në çdo hap anëtarët e LSI, Metën dhe Kryemadhin nëse do hedhin paratë e korrupsionit për blerjen e votave, Presidenti humbet qetësinë dhe shpërthen në kërcënime ndaj policisë dhe SHBA-BE, veprat penale zgjedhore kanë kaluar në kompetencë të SPAK
Disa ditë më parë, të gjitha veprat penale në fushën e zgjedhjeve, kanë kaluar në duart e SPAK-ut. Pas kësaj lëvizje, një grup i posaçëm me agjentë të trajnuar shqiptarë dhe të huaj po monitorojnë natë e ditë çdo lëvizje të anëtarëve të bandës së Ilir Metës dhe Monika Kryemadhit, për të identifikuar, ndjekur dhe dokumentuar çdo lëvizje të parave të pista, për t’i hedhur në fushatë, për blerje votash apo për çdo ndikim të paligjshëm.
Agjentët, një pjesë edhe të infiltruar dhe maskuar në format nga më të pabesueshmet, janë trajnuar për një kohë të gjatë si dhe janë udhëzuar për të ndjekur rrugët e lëvizjes së parave të korrupsionit nga banda LSI me në krye Ilir Metën dhe Monika Kryemadhin. Në një kohë kur ditën përbetohet se do t’i presë dorën kujdo qē prek votat në 25 prill, Ilir Meta me të besuarit e tij po tenton të lëvizë natën çantat me para të pista, për të blerë vota, siç ka bërë edhe në zgjedhjet e kaluara, ku mbi 90 % të dosjesve për blerje votash u përkasin njerëzve të LSI-së.
Meqenëse LSI mban sot vulën e blerjes së votave, partnerët ndërkombëtarë me strukurat e tyre në Shqipëri dhe segmente të policisë së shtetit, po mbajnë nën vëzhgim LSI-në deri në 26 prill, përmes një grupi të posaçëm. Krahas mbikqyrjes në terren me metoda speciale, grupet e blerjes së votave në LSI dhe në parti të tjera, po mbahen edhe nën përgjim.
Çdo provë do t’i sinjalizohet SPAK, strukturë e cila ka marrë mesazhe të qarta nga SHBA-BE për të goditur fort çdo krim zgjedhor, nga çdo parti politike. Jo rastësisht disa javë para zgjedhjeve, SPAK mori në dorë kompetencat për goditjen e krimeve në zgjedhje. Kjo lëvizje duket se ka nervozuar Ilir Metën, i cili ditët e fundit i ka fokusuar kërcënimet e tij në drejtim të policisë dhe SHBA-BE.
Zbarkimi i Ilir Metës në godinën shtetërore të zaptuar nga partia e Sali Shehut, duke shtyrë dhe kërcënuar policët, përveçse një provë rezistence para SPAK, ishte edhe një mesazh për policinë, segmete të së cilës janë pjesë e vëzhgimit. Gjithashtu, në daljet e fundit publike, Meta ka akuzuar SHBA-BE për komplot dhe mafie ndërkombëtare. Nga ana tjetër, edhe përfaqësues të Rilindjes duket se janë në dijeni të monitorimit të LSI.
Ulsi Manja, i cili ishte pjesë e dosjes 184 në Dibër, tha se “Këtë radhë do të dalë në sipërfaqe e vërteta se kush parti ka garantuar mandate mbi shitblerjen e votës dhe e presidentit që mesazhin për t’i prerë dorën kush vjedh votën’, ta përçojë te paria që ja ka lënë Kryemadhit, pasi do të përballet me ashpërsinë e ligjit”.
Me afrimin e ditës së zgjedhjeve, SPAK pritet të urdhërojë arrestimet e para për blerje votash./Pamfleti
