Dy miq shqiptarë të cilët punojnë si kamionistë në 2 shtete të ndryshme të botës Olsi Taho dhe Ilir Mustafai, njëri në Amerikë dhe tjetri në Itali komunikojnë përditë me njeri-tjetrin, por virtualisht sepse fizikisht nuk janë takuar kurrë.
Historia e tyre e njohjes është e veçantë sepse është pikërisht një grup në rrjetet sociale që i ka bashkuar rreth 5 vite më parë.
Bëhet fjalë për profilin në Facebook që njihet si “Kamionistat Shqiptarë Forever” dhe ka rreth 4.600 anëtarë, shumica prej të cilëve janë kamionistë.
Ata treguan në një intervistë për “Good morning Albanians” në Euronews Albania se flasin rreth 2 orë në ditë, çdo ditë.
Siç thanë dhe kamionistët me origjinë çame ata panë të nevojshme krijimin e një grupi për të qenë në kontakt për çdo gjë me profesionistët. Vetë Olsi dhe Iliri njihen përmes disa miqve dhe kushërinjve para shumë vitesh. Ata thonë se kanë një lidhje më të fortë dhe se ata që mund të jenë miq dhe dalin përditë me njëri-tjetrin.
