Këto ditë, në rrjetet sociale ka nisur një garë propozimesh për propozimin e kandidatëve për presidentin e ri të Shqipërisë.
Emri i ri, është kthyer në një marrëzi kolektive, pasi nuk ka mbetur delirant pa o propozuar dhe pa e pranuar kandidimin.
Fillimisht u propozua emigranti Dritan Demiraj nga “Vatra”, i cili tha se është nder për të, që ta pranojë kandidimin për president.
Më pas u propozua një personazh me emri Elena Kocaqi, e cila shfaqet nëpër televizione si historiane dhe thote se Greqia nuk ka ekzistuar si shtet, por e krijuan shqiptaret.
Edhe ajo e pranoi kandidimin, madje zbuloi edhe se sipas sondazheve, është emri më i dashur nga shqiptarët.
Të dashur Shqiptarë,
“Kam parë këto ditë në disa media sondazhet popullore për presidentin e ri. Jam shumë e nderuar që në shumicën e tyre kam kryesuar listën e vullnetit popullor, deri dhe në shifrat 70 e 90%. Ju faleminderit nga zemra për besimin dhe vlersimin tuaj.
Besimi juaj është nderi dhe përgjegjësia më e madhe e jetës sime. Si një individ që jam shkolluar për 30 vjet, edhe me kontributin e taksave të shqiptarëve, kam detyrimin t’i shërbej vendit tim. Si profesore e qeverisjes prej 15 vitesh kam njohuri të mira për pushtetin dhe politikën.
Keto njohuri bazë i kam marr nga studimet që kam mbaruar shkëlqyer për Histori, Juridik dhe Shkenca Politike në Universitetin e Tiranës me kohë të plot, si dhe nga doktoratura në Marrëdhëniet Ndërkombetare. Unë do të vija gjithçka kam në dispozicion të vendit tim dhe të mirës se çdo shqiptari, pa asnjë dallim politik, fetar, krahinore apo status social.
Mirëpo deri me sot, unë nuk jam angazhuar politikisht dhe vet politika nuk ka shfrytezuar asnjë nga njohuritë e mija profesionale qoftë edhe në pozitën e ekspertit për shtetin dhe qeverisjen. Më vjen keq që deri më sot nuk më ështē afruar mundësia të bëj për vendin tim.
Nuk është se nuk dua unë tē bēj për vendin tim, por këtu çdo gjë e ka në dorē politika që i ka hequr popullit çdo lloj të drejte për zgjedhjen e presidentit, si dhe i ka kufizuar atij edhe të drejtën e zgjedhjes sē deputetëve me votë popullore. Megjithatë për mua nuk ka privilegj dhe pushtet më të madh sesa dashuria dhe besimi juaj. Ju dua pa kushte. Ju faleminderit”, shkruan ajo.
Më pas përmenden me radhë emra të tjerë, duke nisur nga Marin Mema, e deri tek Lea Ypi, për të mos përmendur emrat e politikanëve.
Një garë e vërtetë delirantësh, që mendojnë se presidentin e ri e zgjedh Facebook, dhe jo Parlamenti! (TemA)
