Prokuroria e Posaçme kundër Krimit të Organizuar dhe Korrupsionit, SPAK, ka kërkuar 3.6 vite burg për ish-gjyqtaren Enkelejda Hoxha e cila është arrestuar për korrupsion.
Ish-gjyqtarja e Krujës akuzohet se së bashku me 9 persona të tjerë që janë arrestuar gjithashtu, ngritën një skemë përmes të cilës ulnin dënimet ose lironin nga burgu të dënuar për vepra të rënda penale kundrejt parave.
Hoxha qëndron në paraburgim prej 10 muajsh. Në seancën e fundit në Apel, Hoxha e argumentoi kërkesën për liri me gjendjen e vështirë të familjarëve të saj dhe nevojës për të qenë pranë fëmijëve, njëri prej të cilëve me nevoja të veçanta.
