Kryeministri Edi Rama përmes një editoriali, u është drejtuar qytetarëve me argumentet se përse ata duhet të votojnë Partinë Socialiste në zgjedhjet e 25 prillit. Sipas Ramës, Partia Socialiste ka një fokus të madh tek reformat të cilat nuk mund të lihen në gjysmë.
Kreu i qeverisë u shpreh se nuk do ta kërkonte mandatin e tretë, por janë disa procese dhe reformat të cilat nuk janë mbyllur ende plotësisht. Kështu ai përmendi luftën me pandeminë, vaksinimin e plotë të njerëzve, projektet infrastrukturore të spitaleve dhe pastrimi i korrupsionit në shëndetësi.
Sipas Ramës tanimë që dhe bazat e ekonomisë janë forcuar e po zhvillohen, këto reforma nuk duhen lënë në mes. “Mandatin e tretë s’do ta kërkoja, po do të kthehesha më në fund në shtëpi për të shlyer borxhet e mëdha që i kam familjes, e sidomos më të voglit nga ne të pestë, nëse nuk do të kishte ende plot gjyshër, prindër e fëmijë që duhen futur të gjithë, në shtëpi e në lagje të reja;
nëse nuk do të duhej fituar lufta me COVID-in dhe kryer vaksinimi i plotë i njerëzve të këtij vendi, nëse nuk do të duhej përmbyllur reformimi i shëndetësisë, ku pasi është rimëkëmbur infrastruktura e spitaleve e riorganizuar sistemi shëndetësor, duhet përfunduar kjo rimëkëmbje, duhet pastruar organizmi i trupës së bluzave të bardha nga abuzuesit e nga batakçinjtë, që njollosin keq punën e mijëra heronjve;
nëse nuk do të duhej forcuar progresiviteti i taksimit në favor të atyre që fitojnë më pak, rritur më tej paga minimale dhe pagat në tërësi, tanimë që bazat e ekonomisë janë forcuar, zhvilluar më në fund infrastruktura portuale e aeroportuale, e cila nuk është më një ëndërr po një betejë e nisur konkretisht”, tha kryeministri.
Ndaj tij reagoi mashtruesi i pandreqshëm Luli Basha që çuditërish flet në emër të fantazmave, sepse Luli i vërtet ka bër namin me gjëma dhe bëma vendit. Ai kërkoi nga Rama që të largohet sepse nuk ka mbajtur asnjë premtim dhe ka të drejtë sepse kur ishte ai dhe Sali Berisha në krye të shtetit ata e çuan Shqipërinë në greminë, Tiranën në hale dhe qytetarët drejt katastrofës për mbijetesë.
“Edi, njerëzit e sojit tënd përpiqen t’i bindin të tjerët se po të kenë edhe 4 vjet kohë do të arrijnë gjithçka. Por e vërteta është se kjo nuk ndodh kurrë. Nuk ndodhi as pas 4 viteve të para, por prapë i kërkove Shqipërisë të ta jepte timonin vetëm. E more edhe 4 vjet të tjerë dhe prapë e le në vend numëro. Ti e ke lënë Shqipërinë në baltë, Edi. Ekonomia ka ngecur. Premtove ulje taksash dhe çmimesh por dështove dhe i rrite taksat dhe koston e jetës për çdo shqiptar. Punësimi ka ngecur. Premtove 300 mijë vende pune por dështove dhe largove qindra mijë nga puna. Shëndetësia ka ngecur.
Premtove shëndetësi falas dhe e çove në kolaps e i grive shqiptarët nga xhepat para dhe gjatë pandemisë. Hyrja në Europë ka ngecur”, tha Basha.
